講起粉紅色好多女仔都會鍾意，有時展開追求攻勢會送一些粉紅的 gadget 等佢地成日都帶係身邊用。不過自從 Apple 推出玫瑰金之後，唔少人都對粉紅色好似有啲改觀，其實粉紅都有好多種，小心送錯色…今日 unwire 會同大家探討一下
很多人以為粉紅色女孩生是一定會喜歡，這其實只對了一半。有一項研究顯示其實女性比原始性上其實喜歡偏紫的藍色，為何粉紅色經常跟女生拉上關係，是因為生理學上粉紅色是最能夠吸引男性，如果女性那時期想吸引異性，可能會潛意識地挑選粉紅色這種「工具」作輔助，這也解釋到為甚麼有些女生在年青時非常愛粉紅，但婚後會接受不了。
其實每一種顏色都可以再細分出更多唔同嘅顏色，如果講到粉紅色嘅話，最基本都已經可以細分為桃紅色、珊瑚紅、淡粉紅、玫瑰紅、珍珠紅等等，而且如果將唔同的粉紅色套用在不同物料或加入其他物料之上，就可以變化出更加多不同的效果，例如加入閃粉的話或噴在金屬物料之上，都可以令粉紅色更為突出甚至有漸變效果。
既然粉紅色並非女士們的專利，各位男士如果鐘情粉紅色其實都無需隱藏，只要用得其所，男士用粉紅色都可以好有型，各位 wire 民不妨試下先從各種 Gadget 產品埋手，可能漸漸都會發覺自己其實都同粉紅色好夾好襯。今次，小編就特別為各位喜愛粉紅色嘅 wire 民，準備了一系統粉紅色的 Gadget 產品，等大家都可以 Pink 得出色。
講到現時最貼身的用品，手機必定是首選，就算一個幾咁鐘意粉紅色都好，總唔可以每日都打扮到成個 Pink Lady 咁出門口，反而手機就唔同，每日都可以隨身攜帶，完完全全可以突顯出個人品味及喜好。Sony 其實一直以來針對手機方面都有推出過不少採用粉色系列的產品。近期推出的 Xperia X Performance 都有玫瑰金色，同 iPhone 的玫瑰金比較之下，Xperia X Performance 機身顏色在不同燈光下的變化較少，唔會好似 iPhone 的玫瑰金在某個角度下會變為粉紅色，就算男士拎上手用都唔會太過女性化。如果需要較高效能同大熒幕的話，Xperia Z5 Premium 都有粉鑽色，係唔同燈光同角度之下，都會呈現出唔同的色彩變化，唔會只有粉紅色咁單調。
▲在一般燈光下，Xperia X Performance（中）的顏色變化比 Xperia Z5 Premium（右）少，同時感覺上比 iPhone 6s 玫瑰金（左）會更啱男士用。
▲Xperia Z Premium 在唔同燈光下顏色會有更多變化，有時仲會變成近紫色。
玫瑰紅相對上嚟講確實較適合女士們使用，如果各位用緊粉紅色流動產品，Magic-Pro 的 ProMini Lightning Cable 就十分啱用，一盒就已經同時有 18cm 同 80cm 不同長度的充電線，短版適合出街用「尿袋」充電，而 80cm 當然就留返喺公司或者屋企先用。
咁喺屋企叉電好多人都會選擇用駁住 AC 電源的充電器，因為只要一個插頭就可以同時叉幾部機，如果想搵個粉紅色的叉電器，thecoopidea 呢款 10.6A PowerBlock 可能會啱各位心水。呢款充電器總共有 5 個 USB Port，合共可提供 10.6A 輸出，而且當中仲有 2 個 SmartUSB，入面的晶片可以根據連接的流動裝置需要，而提供最合適的電流，最高可提供 2.4A，針對現時大部份平板同手提電話都已經夠。
如果大家覺得玫瑰紅唔啱心水嘅話，珊瑚紅可能會係另一個選擇，同樣由 thecoopidea 推出的 PASTA 充電線，已符合 MFi 認證，除咗充電仲確保可以同時過埋 DATA，而且長度仲有 1m，加上採用扁線設計就可以防止電線纏繞問題。
今時今日，如果部手提電話無電真係唔知點算好，所以流動充電器（尿袋）就十分重要，呢一款 Gummy Mini 5200 Power Bank 就夠晒用，體積唔算大只有八達通咁上下 Size，但已經足夠叉到 iPhone 一次有多，就算出成日街都唔洗驚無電，佢個輸出仲有 2.4A，確保可以用最快速度幫部電話回氣。
而家每次出 Trip 或者去旅行，好多時都要帶埋個轉插，始終未必所有地方都會有香港用嘅三腳插頭。Electron by monocozzi Smighty Global Adaptor呢款轉插就用上桃紅色設計，與好多同類產轉插一樣，透過多個唔同的伸縮頭就可以對應世界各地常見的電插座，而且佢每個插頭介面的伸縮都十分流暢，用落相當順手。為了方便各位追求輕便的出 Trip 粉紅達人，在插座上亦已配備 2 個 USB 充電介面，其中一個更可支援 2.4A 輸出，對於單人出 Trip 來講已經可同時叉電話同平板電腦。
如果大家覺得上面介紹的 Global Adaptor 體積都係較大未必可以隨身攜帶的話，另一款 Smighty Dual USB Wall Cahrger 都同樣可有 2 個 USB 充電介面，但進一步 2 個 USB 都可以支援到最高 2.1A 輸出，就算是同時叉 2 部平板都可保持叉電速度，附盒亦同時配有 4 個可針對不同國家制式的插頭，對於出差 1 到 2 日的短旅途就更方便。
