星期日就係父親節，平時爸爸工作咁辛苦就襯呢個機會等佢放鬆下，但諗好節目同爸爸去邊未呢？不妨去聽下超治癒的吉卜力名曲音樂會丫！
井上杏美《吉卜力名曲音樂會》
無論你爸爸係咪吉卜力 fans ，不過相信聽到「天空之城」的音樂整個人都一定會放鬆起來。今年的《吉卜力名曲音樂會》就邀請了主唱「天空之城」、「龍貓」主題曲及「魔女宅急便」插曲等多首名曲的井上杏美小姐由日本專程來香港獻唱！應該會好治癒呢！
日期：2016年6月18日 ‑ 19日 (下午3時 ‑ 4時)
地點：海港城 海運大廈 地下 》香港尖沙咀廣東道3號
LCX「昔日九龍Retro Kowloon」3D立體相展
聽完音樂會，可以順路帶爸爸懷緬一下過去。LCX 展出了著名電影攝影師及香港第一代 3D 攝影專家鍾有添先生，以《昔日九龍Retro Kowloon》為題拍攝的罕有菲林照片。就讓爸爸跟你來一趟時光旅行，一邊睇「3D立體相」，一邊讓佢同你重溫九十年代九龍區的社區情懷。
日期：2016年6月10日 ‑ 30日 (上午10時 ‑ 下午10時)
地點：海港城 LCX 》香港尖沙咀廣東道3號海港城海運大廈L3
「非遺樂在三棟屋」同樂日
如果係爸爸係客家人，三棟屋博物館的「香港非物質文化遺產中心」會係一個好地方，讓佢可以好好懷緬過去。原是客家圍村的三棟屋係同樂日設計咗一連串活動，包括粤劇化妝穿戴專區、傳統技藝示範、充滿客家風情的表演、別具創意的客家「秀」。不但可以等你爸爸過下戲癮，一嘗當粵劇花旦的滋味，仲可以向「國際金茶王」學習沖奶茶的秘技同聽聽老幼客家山歌對唱。另外，仲有遊戲攤位，大人細路都可以玩足一日。
日期：2016年6月18日 (下午3時30分 ‑ 6時)
地點：三棟屋博物館 》香港荃灣古屋里2號
VR超級爸爸父親節派對 @九龍城廣場
如果係潮爸，不妨帶佢進入虛擬實境，過一個充滿視覺及感官刺激的非一般父親節。只要係商場消費，不限金額，就可以於試玩體驗區內一同體驗至潮至 IN 的 VR 瘋狂過山車、VR星際大戰及電動平衡車遊戲。平時玩 10分鐘都唔平架嘛！可以慳番唔少啊 !
日期：2016年6月8日 ‑ 19日 (中午 ‑ 下午8時)
地點：九龍城廣場 KCP 》香港九龍城東頭村道180號
資料來源：Timable
Leave a Comment