女同事喺 office 明目張膽淘寶，原來 Tap & Go「拍住賞」最近推出淘寶消費優惠，消費滿HK$ 200 最多可獲回贈HK$ 100 。由登記、充值到付款，小編第一次響淘寶用都只係花咗好少時間，算幾方便。各位 wire 民想知道點做的話，就要留意小編以下嘅教學啦！
Step 1：於 HKT / 1O1O / csl 專門店登記
第一步當然係要去登記。其實登記十分簡單，只要帶你嘅香港身份證到 HKT ， 1O1O 或者 csl 專門店，並且告知職員你嘅電話號碼，職員便會即時為你登記，你亦會即時獲得一張「拍住賞」卡。登記唔需要住址證明，所以即使你係 11 歲剛拿身份證嘅學生都可以登記！
而如果你係 csl 或者 1O1O 嘅客户，登記時可要求更換支援「拍住賞」 即拍即用功能嘅「拍住賞」SIM 卡，咁以後就透過手機 NFC 功能也可一拍付款！
Step 2： 為你嘅「拍住賞」卡增值
登記之後，當然就係要為 「拍住賞」卡增值。 「拍住賞」是一種流動預付 MasterCard® 產品，只要卡內餘額高於消費金額才能使用。「拍住賞」每次現金增值額由HK$ 100至 HK$ 3,000隨你選擇，而增值地點就包括 7-Eleven 、759 阿信屋、實惠、 HKT 、1O1O 以及 csl 專門店。
Step 3：在淘寶結帳頁面上選擇 MasterCard
咁揀好晒你想淘嘅貨品之後就可以比錢㗎啦！確認訂單之後，你就可以係支付方式揀返銀行卡；而其實依家淘寶全球 App 買嘢顯示嘅第一個支付方式就已經係銀行卡，所以非常方便。
Step 4： 輸入 MasterCard 16 位數字
之後你就需要填上你嘅卡上 16 位數字。而填寫完畢後，就會進入下一步「填寫銀行卡信息」。你需要輸入返名字﹑持有卡有效期﹑安全碼以及郵箱，記住呢四項資料必須要與你登記時所提供嘅資料一致，否則就會用唔到。
大功告成！
當你輸入晒所有資料後，就會有一個短訊通知你已經成功付款，咁就代表完成購物，成個過程唔洗五分鐘！
優惠詳情：
由即日起至 6 月 30 日，於淘寶網平台以「拍住賞」消費，單一消費滿 HK$ 200 或以上並成功完成付款，可獲 HK$ 100 的 1 次性回贈 (名額 30,000 個，先到先得)，服務費優惠減至 1.5% ; 有關回贈將於購物後 3 個星期內存入「拍住賞」賬戶內。
只有淘寶？ NO! Tap & Go 「拍住賞」用途多多
「拍住賞」當然唔只響淘寶上面使用，一般網上購物亦都無問題。除此之外，作為 MasterCard 預付卡嘅「拍住賞」其實可以係全球超過 400 萬個接受感應式支付嘅商戶購物：7-Eleven、百佳、759阿信屋、McDonald’s、萬寧、CIRCLE K、c!ty’super、Log-On、一田百貨、玩具反斗城、肯德基、東海堂、莎莎、BIODERMA、GNC、卓悅 … 除咗以上所述店鋪外，仲有更多商戶可用「拍住賞」付款，詳情可點按此查看。
