相信各位 wire 民都有聽過唔少說法提及到屋企入面其實滿佈各種細菌、塵粒、霉菌、甲醛等等有害物質。大家會有鼻敏感或感不適，好多時都與這類致敏源有關。然而，單靠日常家居清潔都未必可以徹底清除，如果想令家人健康啲，家中都可以呼吸到乾淨的空氣，不如就趁父親節，送部家居空氣清新機俾爸爸！
空氣清新機要點揀？
香港居住環境細，要放多部空氣清新機通常都會令人卻步。 其實現今的空氣清新機未必一定大大部，但市面上咁多款空氣清新機又應該點揀先最好？大部就一定好？其實不同大小的空氣清新機廠商都會標明產品適用面積，只要選擇對應空間大小的空氣清新機就夠用。就好似一間 100 呎的房間只需要揀一座枱式的空氣清新機就已經足夠，如果要放係廳就當然座地式會較好。而另一個要睇的指數就是 CADR（Clean Air Delivery Rate），數值越高代表潔淨空氣速度越快。如果房間沒有窗，空氣不流通的話，空氣潔淨速度越快當然越好。除了要考慮有效覆蓋面積外，亦要考慮爸爸自身的需要，是否有特定的空氣問題需要解決，例如會唔會對某種物質有敏感，例如會對花粉等致敏源敏感的話，最好就揀一部有 HEPA 過濾網的機種，如果屋企有人吸煙的話，則可以揀一部有活性炭層去除異味，同時要留意空氣清機運作時會唔會釋出臭氧，因為都會直接刺激呼吸系統。
3 層漸進過濾室內空氣
CADO AP-C100 空氣清新機為例，它設有環形 3 層過濾系統，利用藍光光觸媒活性炭分解有害物質，而銀離子抗菌 HEPA 過濾網就可以過濾細小的微塵顆粒，如花粉、煙霧等有害物質。既然細菌、病毒、致敏原及 PM2.5 等有害物質都能一一隔走，爸爸身體就更健康，更有力為家人打拼。特殊活性碳層作為最後一道屏障就可以去除異味，小編實試過開機初期會見到指示燈為紅色，表示空氣較為污濁，但開機後不到 10 分鐘，環境中的汗味都減淡了不少，而指示燈亦轉為正常的藍色，所以就算爸爸身水身汗返屋企都唔怕喇。
▲按下機背鍵就可以將外罩提起。
▲環形過濾網包括藍光光觸媒、銀離子抗菌 HEPA 過濾網及特殊活性炭過濾網，環形過濾網外圈同內圈明顯有不同的紋理。
▲ 開啟後不到 10分鐘，會看到機身的氣味指示燈由紅色轉成黃色及藍，表示當前空氣的污染程度轉好了，而房內的汗味、霉味都減淡了不少。
藍光技術同時淨化空氣與濾芯
不少空氣清新機都是機平濾芯貴，之不過空氣清新機最重要就是靠個濾芯，如果太耐無換濾芯，不但影響過濾能力，仲會變成細菌溫床，到時只會製造更多污濁空氣。如果隔個幾兩個月就要換一個濾芯都幾貴，唔想爸爸因為你的禮物而大傷荷包，最好就揀一部濾芯可以用得更耐的空氣清新機。CADO AP-C100 的濾芯由馬來西亞原產椰果活性碳及對可視光也能起反應的藍光光觸媒組成，好處就係藍光光觸媒只需要利用可見光，便能夠將有害物質分解為二氧化碳和水，自動淨化過濾器。因為濾芯可以自我潔淨延長使用壽命，所以約 1 年才需要更換一次。
▲ 下面操作面板旁有一個更換濾芯指示燈，當濾芯需要更換時就會亮起，唔駛自己記住更換時間，確保過濾的成效唔會受濾芯過時影響。
外型時尚超靜音
CADO AP-C100 係一部外型細小時尚，並獲得 Red Dot Design Award 2013 大獎，仲可以隨意對應到大約 193 平方尺左右的環境，對於香港大部份屋企來說，大約等於可以擺放在客廳或主人房都夠用。AP-C100 除了有金色之外，仲提供銀色以及黑色三款不同顏色。機身用鋁合金製造，好有質感完全唔會似一部空氣清新機，配合藍色的燈光，更有科幻的感覺，爸爸一定喜愛。此外，AP-C100 設有強 / 中 / 弱 3 個風量，弱風模式下非常寧靜，基本上唔會聽到任何風聲或摩打轉動的聲音，擺在睡房就十分適合，就算開著瞓覺休息都唔會被騷擾，咁爸爸就可以養足精神迎接每天的工作。如果擺放在客廳使用的話，就要調校至中或強風量，雖然會有較明顯的風聲，但相對上先有足夠的空氣淨化能力。
▲ 機身用鋁合金製造，好有質感，配合藍色的燈光，更有科幻的感覺，爸爸們一定喜愛。
▲ 頂部採用蜂巢式設計，設有光暗感應器，關燈後會自動調暗藍光，唔會騷擾休息。
迷你版車用空氣清新機
唔少爸爸都是愛車之人，但好多時都講汽車內的空氣都要比外面環境仲混濁，如果是職業司機的話，每日都可能要坐在車內十個小時，要時時刻刻都呼吸到清新空氣，就不少得車用空氣清新機。CADO 另一款好的骰的 MP-C20U，連埋濾芯重量都只係 0.4kg。亦因為大概只有一枝水咁大，可以放係車中杯座位置，非常方便又唔怕會周圍碌。最重要呢部機係用 USB 供電，同時跟機配埋 micro USB 充電器同車用USB 充電器，咁就無論係辦公室定揸車都可以享受到乾淨嘅空氣啦！ 另外，頂部仲有光度感應器，當周圍環境變暗，指示燈就會自動變暗，有型又唔會刺眼。佢體積細確實是一個賣點，就算放埋落喼帶埋去旅行都咁啱用，之不過空氣淨化能力就始終不及座枱或座地式型號，好似車廂或較細的地方都叫做夠用。靜就真係幾靜，仲同樣可以調校高中低風速。
▲ MP-C20U 大概只有一枝水咁大，可以放係車中杯座，非常方便。
▲供電輸入要求相當低，只要 5V / 0.5A 就足夠，可想而知摩打轉速不會太高，只可應付較細小的空間。
▲可以輕易將 C20U 分拆成 3 個小部份，要攜帶外出使用就更簡單。
▲ 如果不喜歡圓形，CADO 亦有 AP-C700S（左）及 AP-C300（右）可供選擇，分別對應 1,076 尺及 484 尺的空間，性能與 AP-C100 無異。
使用小 TIPS
最後，提提大家，就算揀了一部可滿足到室內環境使用，而性能及功能都合適的空氣清新機，用的時候都記得保留一定空間，確保空氣流動才能吸入污濁空氣進行過濾。由於需要長時間使用，所以定時看看機身是否過熱。當然，定時的家居環境清潔對室內空氣質素亦很重要啊！
建議售價：$3,399（C100）/$1,499（C20U）
查詢：azureliving（2411 7280）
Leave a Comment