如果同各位 wire 民講無得上網一日都應該幾難捱，無得上 Facebook 八卦朋友最新消息，又唔可以 WhatsApp 吹水，更加唔可以上網打機連娛樂都無埋。所以唔少人現時就算去旅行，點都要買張可以當地上網嘅電話卡，唔係隨時出現「斷網症」，但如果一大班朋友或者同屋企人去旅行，每人一張電話卡又好貴，用電話開心 Share 又會好「食電」。
TP-LINK 剛推出的一款「Wi-Fi 蛋」M7310 就好啱去旅行果時用，採用 Qualcomm MDM9225 晶片，比起舊產品可以提供更穩定高速的 LTE 處理能力，無線發射方面就用上 Broadcom BCM43241z 晶片，提供高效能、高穩定性，而且低功耗的無線傳輸，最高仲可以支援同時連接 11 部裝置（10 個無線 + 1 個有線）。
支援雙制式 LTE Cat4
今時今日如果仲用 3G 上網，好多 wire民都未必接受到，M7310 就支援雙制式LTE Cat4 (TDD-LTE / FDD-LTE)，下載速度高達 150Mbps，配合佢個 Wi-Fi 支援 11n 300Mbps，手上的流動裝備都能高速上網，當然亦可以向下兼容 802.11a/b/g 制式，無論新舊裝置都可以用得到。
有埋 LED 上唔上到網即時知
相信唔少人都試過，隻「Wi-Fi 蛋」用用吓會突然上唔到網，有時可能係斷咗線，有時原來無電又唔知，M7310 個正面就有一個 LED，大家可透過 LED 指示燈，即時獲取無線狀態、互聯網連接狀態、電池狀態等資訊。仲有埋“tpMiFi”APP，透過簡易操控介面，可以即時查閱訊號強度、網絡類型 (4G/3G/2G)、用量統計、連線用戶數目、電量等資料。當然亦可以設置 Wi-Fi 密碼、更改APN、省電模式、Wi-Fi 覆蓋範圍、Wi-Fi 訊號開啟時間。使用者更可設置每月可使用數據量的上限，避免超出每月數據。它亦內建 microSD 記憶卡槽，用家可以無線共享 M7310 內記憶卡的內容，任意移動媒體或文件。
玩到 10 個鐘
去旅行出去玩，好多時一出去就好多個鐘，要搵地方幫「Wi-Fi 蛋」叉電就只可以用「尿袋」，但邊叉邊用就會好熱。M7310 就內建 2,000mAh 電池，基本上能連續使用 10 小時或有 600 小時備用時間，仲可以換電池，隨時隨地上網或分享。
建議售價: $818
查詢：Everbest（2541 2982）
分享到 :
最新影片
