父親節話咁快又到，雖然一直以嚟大家都會比較著重母親節，但其實爸爸都對家庭付出唔少。好多時父親節揀禮物都會好頭痛，送來送去唔喺恤衫就是鬚刨，確實新意欠奉！相信各位年輕嘅 wire 民都好 IN，世伯都不能太OUT 吧！送件Gadgets 產品俾佢就最好不過，今次就特意精選幾件適合嘅 Gadgets 給大家選擇！適合不同嗜好及類型嘅爸爸，梗有一件啱佢用，仲未諗到買咩嘅 wire 民就快啲揀返樣喇！
真纖薄‧真型「革」
如果阿爸係事業型嘅話，平時著衫一定係恤衫西褲西裝褸，官仔骨骨咁， thecoopidea SLIM 4000 Power Bank 就襯到絕！這個仿皮革卡片套的設計，與電話平排放入褸袋或褲袋瀟灑之餘又不覺臃腫。仲通過埋蘋果認證的 Lightning 頭連 micro-USB 線，最大 2A 輸出，能快速為不同的智能電話或平板電腦充電。巧妙的設計令接線和接頭均能隱藏於機身側面，接駁設備後，輕輕一搖即可瀟灑充電。
數碼產品‧齊齊充電
手提電話、平板電腦、充電器、藍牙耳機、數碼相機等等，如果各位爸爸俾 wire 民更似一個科技達人的話，隨身的數碼產品相信只會更多。用 USB 線駁住火牛，又多又亂，仲分分鐘叉漏其中一樣產品無得用。thecoopidea 呢款 Mini Block，就可以一次過為 5 件 Gadgets 齊齊充電！四四方方的細小外形，就已經擁有 8.2A 輸出，每個獨立 USB 最大電流為 2.4A。而所有充電接口均為 Smart USB 裝置，能自動辨識連接裝置所需電流，不會因為過充而產生危險，同時提供最佳的充電效率。
去旅行 「叉」到盡
如果爸爸要成日出 Trip 又或者已經退休會成日周圍去旅行的話，送個旅行充電器俾佢，既貼心又實用！thecoopidea NOMAD Combo Charger 有齊多國插頭，更將行動電源和 USB 充電器兩者二合為一，節省行李空間，當為 Gadgets 充電的同時，內建電池亦同時自動充電，省卻分開充電的麻煩，出酒店房前拆走即可當「尿袋」用。佢有 2 個 USB 仲有最高 3.1A 輸出，可同時為兩部智能電話、平板電腦、Pocket WiFi 或相機等充電，又或者同阿媽一齊充電唔洗爭。
夠鐘返屋企食飯喇
如果阿爸係工作狂，好多時都會留係公司做嘢做到不見天日，送個 DIVOOM AuraBox 藍牙無線喇叭俾佢放係工作枱啦！呢個四四方方的小盒子，用藍牙駁落電話就可以聽下歌調劑一下。LED 熒幕更可清楚顯示時間、溫度之餘，仲有來電及訊息通知功能，叫爸爸早啲返屋企食飯都容易啲。大家仲可以喺送俾佢之前，預先利用專用手機 App 設計好 LED 圖案表達自己心意！而每一粒 LED 燈都可以自行設計，有近 300 個預設圖案任你轉換，用家更可 D.I.Y. 畫出 10×10 的點陣圖或者將 8-bits 圖像轉成動畫，發揮無限創意。
打開雙耳聽世界
如果爸爸常常參與行山、跑步等戶外運動的話，骨傳導耳機就最適合不過。Aftershokz Trekz Titanium 沿用骨傳導技術將聲音訊號直接傳遞到顱骨，通過骨骼而傳入到聽覺神經。所以配戴時就算聽歌或者講電話時，完全唔影響聽身邊的環境聲音，運動時對周圍的交通情況或聲音作出即時反應。戶外運動如跑步、行山、踩單車，甚至是在駕駛的情況下，使用 Aftershokz Trekz Titanium 骨傳導藍牙耳機自然就更加安全。
高清音樂視訊播放
如果阿爸鍾意聽歌睇片，又對音色有要求的話，Pioneer XDP-100R 高清數碼音樂播放器會係一個好好的選擇。XDP-100R 可播放市場上絕大部分的高清音樂格式檔，內置 32GB 記憶體，並支援兩組合共 400GB 的 MicroSD 卡槽，無論入歌入片或是下載，都有好大的延伸空間，最重要就喺使用流行的 Android 系統，爸爸用起上嚟自然容易上手，裝埋 Apps 用嚟打機都仲得。
極緻細膩音色
高層次嘅爸爸自然要配返隻高層次嘅耳機，Pioneer SE-Master1 有幾巴閉？先講製作過程，每一對 SE-MASTER1 均是由位於日本山形縣天童市的 Tohoku Pioneer 工廠之認證工匠人手製作，限量生產，並設有獨立編號，生產每對 SEMASTER1 均需經過超過 100 個獨立生產過程。而全新研發之 50mm 驅動單元，無論音樂的深度、闊度、飽暖度、通透感及現場感都是一絕。呢對耳機價錢高達萬八蚊，老豆有個咁識送禮物嘅仔女，再辛苦都抵晒啦！
查詢：Towervision（2553 1151）
Leave a Comment