就嚟父親節，又係時候送禮物俾爸爸，最老土但又最貼心的當然係送按摩椅。而我依莉詩今日就率先體驗咗 OSIM 最新出的白馬王子按摩椅，外型唔單止唔老土，仲可以由頭按到落腳趾，爸爸一定 like！
頭等艙的氣派
以前的按摩椅都係又大舊又薯，不過今次呢部大得嚟一 D 都唔薯，按摩椅流線型的設計，腳座同扶手可以靈活收縮，隨時變身梳化或躺椅，加上背部的編織皮革設計，好有飛機頭等艙的氣派。就連遙控器都模仿頭等艙坐位設計，回彈收線，用完後自動收回扶手。雖然白色好有型，不過唔少人都擔心長期坐怕唔 keep 得耐，所以同期有綠、銅同啡三色選擇，配合家居氣氛。
▲ 全白色流線型的設計好有飛機頭等艙坐位的氣派。
▲ 正面睇都好有型。
▲ 背部的編織皮革設計。
▲ 土地問題嚴重，有個廳已經係奇蹟，仲要放咁大張按摩椅真係有難度。好彩佢腳座可以收埋，唔用的時候可以當梳化坐。
▲ 腳座可以完全包圍小腿同腳掌，連腳趾尾都按摩到。
▲ 遙控器模仿頭等艙坐位設計，回彈收線，用完後自動收回扶手。
擊中肌肉酸痛要害
呢張按摩椅的長軌道無縫按摩技術擴大按摩範圍，由頭、肩頸、腰背同 pat pat 都可以接觸到。除咗氣嚢施壓，仲有搥打同頂壓按摩方式，令按摩流程流暢唔生硬。對於低頭族的我來說，佢的 V 型夾膊設計，每一下摙落肩頸都非常爽，可以趕走平時的酸痛。
▲ 背部的 V 型夾膊設計，每一下都針對低頭族的要害。
環抱式音效加速放鬆
音樂可以令人更加方鬆，而呢張按摩椅兩旁有喇叭，可以接駁手機播放你喜愛的音樂。今次體驗中，一邊播放大自然的聲音一邊按摩，音樂就好似環抱自己一樣，進入不被打擾的個人空間。
▲ 可以接駁手機播放你喜愛的音樂。 
依莉詩：「連 pat pat 都按到」
平時我好怕坐按摩椅，覺得 D 動作好單一，又好大力，不過今次的體驗好唔同。呢張椅的按摩方法好多種又有變化，而且顧及到全身上下，特別係肩頸同腰背，令不同位置的酸痛都得以舒緩。加埋音樂之後就更加放鬆，好似去咗另一個世界咁。不過，對於我呢 D 住屋邨的窮等人家，要放張咁大的按摩椅係廳真係無可能，睇嚟父親節禮物都係要諗過第二份。
OSIM uLove 白馬王子
預售價：$28880/月供$1204起 (以 24個月分期計算 ; 優惠期到 6月15號)
查詢：27902300 / 21737868
分享到 :
最新影片
