潮流講求食得健康，所以伊瑪牌早前推出的 黑蒜機 大受歡迎，而今次佢就再下一成，推出三層內鍋蒸飯煲。我依莉詩今日就去咗研究呢個蒸飯煲到底同普通飯煲有咩分別。
蒸出更健康米飯
呢個蒸飯煲同普通飯煲最唔同的地方就係佢有三個唔同高度的不銹鋼內鍋，而最上兩層內鍋底有防溢小孔，讓蒸氣係鍋內產生對流，防止煮沸而溢出水份。同時，只要將米放係上層內鍋，底層放水，咁就可以將多餘水份分開，保持米飯軟糯的口感，隔出來的米水仲可以直接飲用，或作開奶水。如果頂層的內鍋用來蒸餸的話，蔬菜、海鮮或肉汁等精華會經內鍋底部的小孔滲透係米飯中，煮出有味飯。此外，官方聲稱呢個煮法可以減少米飯中的碳化合物含重，令糖尿病患者等需要節制碳化合物攝取量的人士更放心食用。
▲ 蒸飯煲有 290 x 300 x 295 mm 比普通的電飯煲細少少，內鍋容量有 1.5L，如果只係蒸飯可以夠 3-5人食用用，不過要同時蒸埋餸就只夠 1-2人份量。
▲ 唔少人用普通電飯煲蒸餸都試過好難拎番碟餸上嚟，而呢個蒸飯煲只要扣上專用的手柄入兩則小孔，就可以輕鬆拎起。
▲ 蒸飯煲有 9個功能，除咗煮飯，仲可以燉肉、煲湯。最快 30分鐘內就可以蒸飯。
▲ 其實呢個蒸飯煲的外型同普通電飯煲分別不大，都係有出氣孔同倒汗水隔。
名廚示範 — 一煲三味
本來我都想親自下廚，不過有名廚 Celia Chan 示範就無謂獻醜了。今次佢示範咗用蒸飯煲一次過煲湯、煮飯同蒸餸。
蕃茄雜菜湯
材料 (2人份)：
蕃茄……….1個
洋蔥……….1/4個
甘荀……….1/3條
南瓜薑蔥蒸雞
材料 (2-3人份)：
雞…………..半隻
南瓜……….1/4個
黑木耳……5克
薑………….3片
蔥………….1棵
醃料：
生油 ……..2湯匙
糖………….1茶匙
麻油………1茶匙
米酒………1茶匙
白胡椒粉…少許
▲ 一開始將雞切件，用醃料醃最少 1小時備用。
▲ 然後將黑木耳浸水 15分鐘，而南瓜去皮切件，薑同蔥就切絲備用。
▲ 之後將蕃茄、洋蔥同甘荀切粒，再將材料倒入最低層。
▲ 並將洗好的米倒入中層內鍋，再加水到同米一樣的高度。
▲ 最後，將雞件、黑木耳、南瓜同薑絲放係頂層內鍋。
▲ 3層的食物都放好就可以開始煮。
▲ 揀「雙鍋蒸飯」模式，煮 20分鐘。
▲ 咁就一次過有齊湯、餸同飯，雖然唔係大魚大肉，不過兩個人食啱啱好。
依莉詩後感
呢個蒸飯煲外表上同普通飯煲分別不大，亦可以話佢可以當普通飯煲咁用，只係因為多咗兩個底部有孔的內鍋，所以用途就多咗，可以同時煲湯、煮飯同蒸餸。對於 2人家庭嚟講，可以半個鐘煮餐家常便飯真係唔錯。此外，利用米放上層內鍋、底層放水的方法煮，可以將多餘水份分開，煮出來的米飯就更有口感，唔怕太濕。如果頂層的內鍋同時蒸餸的話，蔬菜、海鮮或肉汁等精華會經內鍋底部的小孔滲透係米飯中，令飯更有味道。
售價：$999
查詢：伊瑪牌 (24221565）
分享到 :
最新影片
