想飛去日本瘋狂掃貨，但最近係旺季無平機票之餘，老細仲要唔俾請假；咁可以點算？唔駛絕望，小編話你知可以安坐家中都買到，而且仲要免運費添！日本嘅樂天市場國際版 Rakuten Global Market 將會係 5 月 24 日嘅早上 9 點起到 5 月 31 日嘅早上 8 點 59 分推出「香港會員尊享：順豐限時免國際運費優惠活動」，屆時將會有超過 40 間樂天精選店鋪，產品種類眾多，包括日本潮牌、和風美食、美容產品等，全部由日本直送到香港！而且仲有其他優惠，識買隨時仲慳過你飛轉日本啊！
唔識日文有客服幫 記得選順豐送貨
若然係第一次使用樂天 Global ，亦唔需要擔心購買嘅過程會好繁複。其實樂天同好多網購平台使用方式相近：只要註冊登入之後，揀好你想購買嘅商品再選擇運送方式（咁今次免國際運費優惠活動當然係揀返順豐），然後按訂購就可以。記住仲要做「確認信箱」嘅步驟：賣家會寄一封確認訂單比你，包括購買價 + 運費，記得睇清楚先好確認，無確認的話，店舖會認為顧客默認訂單總額。
而樂天 Global 嘅賣家都係來自日本，所以商品介紹中有唔少日文。雖然網站提供中英文版本，不過商品介紹中嘅中文信息可能翻譯得有啲奇怪，唔明嘅話可以轉去英文版本睇睇，而若然仲係唔明的話，亦可以係繁體中文網站首頁右上角搵「在線客服」，即時問客戶服務員，咁就唔怕買錯嘢啦！
搭配信用卡多重優惠 慳得更多
今次免運費優惠活動，亦都可以搭配樂天嘅信用卡優惠使用，雙管齊下幫你慳到盡！信用卡優惠詳情如下：
DBS 信用卡香港用戶尊享優惠
單筆訂單購買超過 10,000 日元商品可獲 1,500 日元即時折扣。（只適用於每月首 400 宗合資格交易，先到先得，額滿即止。）另外，每逢星期五，都會享有十倍樂天超級點數，相當於 10% 的折扣！
MasterCard Friday 10x Rakuten Super Points
於星期五使用任何銀行嘅 MasterCard 同樣可享有十倍樂天超級點數。（透過 Paypal 的 MasterCard 所進行的購物則不符合條件。）
恒生 MasterCard 星期五、六﹑日
呢個絕對係強烈推薦啊，使用恆生 MasterCard 更可於星期五、六及日享有十五倍樂天超級點數，放假就可以盡情購物兼慳錢！
Asia Miles
於 5 月 26 日前購物，透過「亞洲萬里通」進入樂天 Global 購物每 1 美元可賺取 5 「亞洲萬里通」里數； 5 月 26 日後，購物每 1 美元亦可賺取 2.5 「亞洲萬里通」里數。
限時 Coupon
多重優惠仲未講完呀！小編仲搵到一個價值 1000 日元樂天 Coupon ，大家可以係今次免運費用埋佢！而且每個會員可以用 5 次，如果你本身無 DBS 卡，又或者免運費 40 幾間鋪揀唔啱，就最啱用呢個優惠喇！當然用係免運費活動再加 Coupon 就抵啲！
Coupon Code –
8UZJ-FJEF-9UVD-ICSW
Coupon優惠期：即日至 5 月 31 日早上 8:59 (香港時間)
P.S. 要留意返，Coupon 要同一張單買滿 10,000 日元先用得，同埋都係數量限定啊！
免運費活動 3 項小提示
睇到呢度係咪已經好想買嘢呢？等等先，睇埋今次小編比大家嘅 Tips 先啦！
1.不是每樣產品免運費
首先當然就係，你購買嘅商品必須選擇以順豐配送先可以享受今次免運費活動，如果唔係就會被收取國際運費，記得睇清楚先按訂購啦。仲有，部份商品係唔符合免運費資格，例如酒精濃度超過 30% 嘅酒，冷凍食品等，就算訂咗店鋪都可能會直接幫你取消。
2. 貨品必需係 6 月 17 日先寄出
第二就係，任何訂單中有預訂商品，只有可以係 6 月 17 日前寄出先符合今次活動資格。一般有存貨嘅商品將會係活動結束 3-7 日內發送，但無存貨而要預訂的，記得問返賣家可唔可以係 6 月 17 日前寄出，遲寄就享受唔到今次優惠。
3. 單一商店總計 10,000 日元才可
第三，今次免運費活動係有消費限制的：你必須係參加活動嘅同一間商店內，購買的同一張訂單消費金額超過 10,000 日元 (約 720 港元) 先至可以享受免運費。留意返合併幾間店鋪嘅訂單係唔符合活動資格。最後，即使你買夠 10,000 日元商品，亦記得要注意返重量同尺寸，因為今次免運費活動限定「單筆訂單嘅裝箱重量要係十公斤以內，同埋順豐快遞範嘅尺寸亦需少於 120 厘米」，先至符合活動資格。嗱，依家識得買啦？
不可錯過嘅必買商店同產品
1. 波鞋類
今次樂天精選店鋪中有 Lowtex ，佢有齊晒 Nike ﹑ Adidas ﹑ Puma ﹑ New Balance ﹑ Reebook ﹑ Converse 以及 Vans 等幾個波鞋大牌，就連 Timberland 同 Dr. Martens 都有！唔想捱炒價？不妨睇下 Lowtex 有無，仲要免運費，慳慳埋埋可能夠買多對！
若要進入店鋪，請按此。
2. 生活用品類
對追波鞋無興趣？唔緊要，講求生活品味嘅日本生活用品可能會啱你。 Hug Online Shop 嘅日本工匠精心打造玻璃酒杯，唔係到到搵得到，送禮或自用飲清酒，美觀又實用；而 Natural-Spice 亦有一些木餐具，擁有一套靚餐具絕對令你胃口大增啊！
Hug Online Shop：請按此
Natural-Spice ：請按此
3. 酒類
要係香港買日本酒，出面唔少店鋪都有，但價錢一啲都唔平；但 Mighty-Liquors 就唔同呢，無咗空運費嘅考慮因素，酒價亦都相當合理，買多幾樽同朋友開 Party 時飲都得啊！
若要進入店鋪，請按此。
分享到 :
最新影片
