文青大愛的呼吸冰室 3月約期結業，正當大家以為少咗個地方去的時候，美荷樓又有新搞作。呢個星期不但係同樣充滿懷舊情懷的「四十一冰室」正式開張，仲係開放日，大家可以去探索下老香港情懷。
「我們的快樂時代」YHA美荷樓開放日
今次 YHA美荷樓 開放日並以「我們的快樂時代」為主題，彼此分享屬於自己的快樂時代。當中重頭戲，當然是萬衆期待的「四十一冰室」及「四十一士多」正式開張！係設計方面採用大量「老香港元素」，特別邀得4位本地新進藝術家親自操筆，分別有Brainrental、Don Mak、Miloza米路沙及迪嘉 Tik Ka ，他們畫風各有特色，透過獨特創新的筆觸，描繪昔日的校園生活、懷舊玩具、卡通漫畫、舊區風光，共同帶出「分享快樂」的主題，喚起大家的集體回憶。而冰室對面的「四十一士多」亦貫徹懷舊香港主題，售賣紅雙喜瓷碗、紅雙喜筷子、中式刺繡散子包、傳統臉譜杯墊等特色精品。此外，開放日有不同特色的活動，包括穿膠花工作坊 x 與「70年代潮流教主」SELFIE快拍、印出老香港、體驗60年代公屋生活導賞團等。最後，仲可以免費帶走竹蜻蜓、吹泡泡膠、伸縮拳頭槍等懷舊玩具。
日期：2016 2016年5月21日 ‑ 22日 (上午9時30分 ‑ 下午5時)
地點：YHA 美荷樓青年旅舍 》香港石硤尾巴域街石硤尾邨41座
「家庭節2016」同樂日
係感受老香港的同時，難免會想起家。原來每年母親節後第二個星期日係「家庭節」，而九龍公園將會「家家動感千人齊歌頌：家庭節2016」同樂日，當中有唔少有獎攤位遊戲俾一家大小齊齊參與。而當日的重點環節係「家家動感千人齊歌頌破健力士」，大家用色彩鮮艷的水樽啞鈴，拼砌出全世界最巨型的「家庭」圖案，齊破世界紀錄。
日期：2016年5月22日 (中午 ‑ 下午5時)
地點：九龍公園 廣場 》香港尖沙咀柯士甸道22號
香港紅十字會開放日
係大家每日都過得快快樂樂的時候，災難可能係世界唔同角落發生。身處香港未必人人都親身經歷過災難。到底遠赴災區的工作人員，會有什麼特殊的個人裝備？佢地會食啲咩? 災區無廁所的話，點樣解決？今個星期日我地就可以去香港紅十字會總部，睇睇災區設備及用品與賑災來個零距離接觸。
日期：2016年5月22日 (上午11時 ‑ 下午5時)
地點：香港紅十字會總部 》香港旺角海庭道19號
資料來源：Timable
Leave a Comment