助減肥更健康！泰國政府設計 AbsorbPlate 神奇餐碟

想減肥最理想的方法當然是勤加做運動，但同時控制日常飲食亦相當重要，比如減少食油膩食品會有一定幫助，可惜美食當前往往會令人難以抗拒，結果做多多運動都無法抵消。為此泰國政府最近就想出新招，並設計出一款可以隔走多餘油份的餐碟 AbsorbPlate，希望國民可以能食得更健康。

資料顯示今次這款 AbsorbPlate 是由曼谷廣告公司 BBDO 及泰國政府衛生局共同設計而成，當中主要運用了海綿會吸收液體的特性，並在 AbsorbPlate 餐碟表面設置一層海綿表層，而上面同時亦鑽出 500 個小孔。當油膩食物擺放在 AbsorbPlate 上後，多餘的油份便會流入小孔之中，而有關方面聲稱每次最多可以吸走約 7ml 的油份，即大約等同一個半茶匙的油及 30 卡路里。雖然可以隔走的油份不算太多，但留意小數怕長計，每一減少食一點油份長遠來說應可食得更加健康。

至於為何今次泰國政府會想出這個想法呢？眾所周知泰國菜經常都會採用大量油去烹調，所以當地長期都被癡肥問題所困擾。而根據早前的一項調查顯示，泰國人的癡肥人數在東南亞國家中排名第二，癡肥比率為 32.2%，即大約每三個泰國人就有一個屬於癡肥。所以泰國政府今次決定在餐具上動手腳，對於解決當地癡肥問題或會有少少幫助。

來源：Adweek