有無發覺每次去完髮型屋 D 頭髮都吹得好靚，但自己永遠都係吹唔番個型。可能係自己的手勢唔好，又可能係無一個強力風筒。最近我依莉詩就發現到把自動旋轉熱風梳。聽落仲神奇過造型夾，只要用熱風就可以打造頭髮造型，依家就試下 work 唔 work 先。
想直想彎吹吹就得
Philips StyleCare 自動旋轉熱風梳 其實係一個 800w 的風筒，配合 3個造型頭就可以隨時將頭髮吹直吹曲。雖然話係風筒，不過就比一般風筒更好揸手，捧型設計，加上可以雙向旋轉的設計，方便幫自己塑造多樣化的造型。此外，360 度可轉動的電線就唔怕轉手的時候出現電線糾結，變得更靈活方便。
▲ 熱風梳配合捲髮筒、 50 毫米熱捲梳 同 集風嘴就可以輕鬆打打造豐盈的鬈曲或貼服直髮造型。
▲ 平時自己吹頭的時候最怕唔就手，左右手一調就好易反錯方向。而熱風梳上面就有個雙向旋轉按鈕，想頭髮彎向邊，按個掣就得，隻手唔洗左反加反。
▲ 熱風梳分為 3 段風速選擇，除了彈性地調校適合自己的風速，仲有冷氣選擇，幫助固定髮型。
實試－ 10分鐘打造新造型
借得番嚟梗係要試下好無用啦！我就試咗一個星期，每日洗完頭都有用架。
自動捲髮唔怕食頭髮
因為之前俾某牌子的自動捲髮夾食過頭髮，今次見到呢個捲髮筒其實都有 D 陰影，不過抱住「玩生命，樂讀者」的心態，都係試咗。發覺佢唔單止唔食頭髮，角蛋白陶瓷塗層仲會保護髮質，比起自動捲髮夾更安全同無咁傷頭髮添！此外，因為使用捲髮筒最佳時機係洗完頭，頭髮吹乾至 80-90%的時候使用，可以縮短吹頭的時間之餘，更可以令造型 Keep 得更耐。
▲ 捲髮筒中間可以拆開，萬一唔小心夾住頭髮，拎番出嚟都易 D 。
▲ 只要將一束頭髮放在自動空氣捲髮筒的開口處，按住旋轉按鈕直至頭髮完全自動捲入捲髮筒，用熱風 hold 30 秒，再推去凍制 hold 10 秒便可塑造空氣感波浪。一隻手都可以捲晒成個頭，好方便呢！
吹直無髮型屋咁完美
要吹直髮就要用集風嘴。呢個嘴同平時的風筒嘴差唔多，不過熱風梳會釋放負離子，可以清除靜電和撫平頭髮角質，所以吹乾頭都唔怕頭髮飛飛下，甚至變得更柔順。但始終都係家用，吹出嚟的風無專業級風筒咁強，想變成一頭直髮，都係用直髮夾比較好，當然亦較傷頭髮啦。
▲ 用集風嘴吹直髮比較自然，唔會似直髮夾夾出嚟咁直，但吹頭後不會有毛燥感。
想髮尾彎始終要短髮先得
近年無論中長髮定短髮都好興髮尾有少少內捲，不過要日日吹就係好難有恆心，而利用呢個直徑 50 毫米熱捲梳，再配合相向旋轉按鈕就可以更容易吹出豐盈富動感髮尾。不過要就到內捲效果，短髮始終都係較明顯。
▲ 中長髮要做到內捲效果始終無咁明顯明顯。
依莉詩：「十足一個強力風筒」
比起造型夾，我覺得呢把熱風梳更加好用，一來無咁傷頭髮，二來可以係日常吹頭的同時輕鬆造型，慳時間之餘，keep 得亦更耐。雖然比較普通風筒嘈好多，不過佢亦比普通風筒更好揸手，加上雙向旋轉按鈕就唔怕反錯方向，捲髮尾的時候都輕鬆咗唔少。有咗佢就可以日日吹番去完髮型屋出嚟個個髮型了。
Philips StyleCare 自動旋轉熱風梳 (HP8668)
售價：$698
查詢 ：26199663
分享到 :
最新影片
