唔少 wire 民出街都會聽歌或者打機睇戲，為咗唔會嘈親隔離，唔少人都會戴返個耳機，不過好多時耳機戴得耐都唔會太舒服，尤其喺而家天氣越嚟越熱，同埋最大問題就係會聽唔到周圍嘅聲音，好多時意外就喺咁而造成。
近年「骨傳導耳機」越嚟越多人留意，而當中要數較多人認識就必定係Aftershokz。佢哋其中嘅 Bluez 及 Bluez 2 兩代骨傳導藍牙耳機，初次推出時，就已經完全顛覆咗大家認為耳機一定要放入耳仔嘅認知。“OPEN EAR”嘅全新聆聽感受，令大家可以做到「打開雙耳聽世界」，特別受到鐘意做運動人士及長期於戶外工作嘅朋友所喜愛。全新系列 Trekz Titanium 骨傳導藍牙耳機，各位骨鐘意骨傳導耳機嘅 wire 民，又係時候備入手喇。
Trekz Titanium 機內採用咗全新鈦合金支架，令機身達到「更輕」、「更柔韌」及「不易折斷」三項戶外使用嘅重要功能。機身僅重 36g 比上一代骨傳導耳機輕，大大增加咗配戴嘅舒適度，做運動時就更舒適。耳機表面用上堅韌嘅橡膠，並通過 IP55 防水防塵測試，防止汗水或灰塵滲入機內，完全適合運動時使用，而隨機附送的 Fitband 彈性矽膠綁帶環，可以套入耳機兩側用作調教鬆緊程度，確保耳機可以穩定地固定喺耳骨位置。
新一代 Trekz Titanium 嘅開關鍵和音量控制“＋”鍵合拼埋一齊，令到右側按鈕由 3 個減少至 2 個，減少調節音量時按錯鍵的機會。需要播放音樂或者通話嘅時候，左邊嘅主控制鍵可作「播放/暫停」及「接聽/收線」嘅功能。同以往嘅骨傳導耳機技術一樣，Aftershokz Trekz Titanium 沿用骨傳導技術將聲音訊號直接傳遞到顱骨，通過骨骼而傳入到聽覺神經，完全不影響聽到身邊嘅環境聲，運動時對周圍嘅交通情況或聲音可以作出反應，自然就更加安全。
新版本中更加入咗加強版本 PremiumPitch+ 懸浮減震專利技術，結合全新英國進口嘅 CSR 晶片，將更有效地以骨傳導把廣寬嘅音樂傳遞到耳中。同時，LeakSlayer 防漏音專利技術沿用 Bluez 2 代嘅 LeakSlayer 防漏音專利投術，將漏音情況降低，保障用家嘅私隱同時避免了音樂漏出而騷擾左右隔離。AfterShokz Trekz Titanium 嘅震感較前兩代型號為輕，從而減低聽歌時嘅不自然感覺，其漏聲情況亦較舊型號有顯著改善，即使喺公共交通工具上使用，都唔會對其他人帶來太大滋擾。聲音方面，個人認為新型號嘅聲音特別喺人聲，較前作更為通透清晰，而佩戴後亦較舊作有更好嘅彈性，長時間使用也不會覺得頭部被箍著，值得一讚。
建議售價：$998
查詢：Towervision（25531151）
