仲有兩個星期就母親節，唔知之前介紹的幾個 DIY 母親節禮物建議啱唔啱洗呢？唔啱都唔緊要，今日我依莉詩又出發去偷師！
4大工作坊送俾媽媽獨特心意
話說沙田新城市廣場1期 由 4月23日至 5月8日 L1樓層 舉辦了一個【馨花絮語】的活動，只要以電子貨幣消費滿 $1,500元或以上(憑最多2張同日商戶機印發票) 就可以參加「花藝手作坊」。於是我今日就去咗廣場請教手作達人製作花飾禮品的秘訣。
▲ 今次工作坊除了利用鮮花，仲有保鮮花同印花紙巾做材料，製作簡單又特別。
保鮮花純木相架
經特別處理的保鮮花色彩與鮮花同樣絢爛，更能維持鮮花質感，適當存放能將姹紫嫣红好好保存。不過通常見保鮮花都係用玻璃罩罩著，見得多咗，本來好靚都變行貨。送俾媽媽當然要花多少少心思啦，呢個保鮮花飾相框就最適合佢。用木盒儲放不但更穩固，仲可以放相入去，將溫馨的一刻永久保存。
▲ 首先要打開木盒，並取出底板。
▲ 然後將似草地的紙用雙面膠紙貼係底板上，而紙同底板的 size 最好一致，唔係就有可能蓋唔番落去了。
▲ 之後用海綿貼貼上主花，再以大頭針固定。
▲ 之後用雙面貼將繡球貼上去。如果想效果明顯一點主花同襯花的顏色最好不同。
▲ 之後同木顏色係木塊上寫上心意字句，再同 3-4張海綿貼重疊貼係草地上，好讓木塊更有立體感。
▲ 然後放入木盒就完成了。
▲ 一邊放花，另一邊可以放一家人的合照，令禮物更加特別。
杯子花藝
送禮物俾媽媽想 DIY 又要著重實用性真係好棘手，而呢個真‧花心貴族杯不但有媽媽心愛的鮮花，當鮮花謝了，矜貴的英式杯碟套裝又可以用嚟嘆下午茶，一物二用。
▲ 最先要將花泥浸濕，好讓鮮花有足夠的水份供應。
▲ 之後將花泥放入杯中，壓實直到唔易掉出來。
▲ 之後就將花斜角剪成適合的長度。
▲ 先插上 2-3朵主花，雖然再插襯花同細花，直到滿為止。
▲ 要插得靚，每支花都要不同高度，而且主花同襯花可以選用對比色，例如黃同紫，又或者選用不同程度的粉色以做出層次。
▲滿滿的鮮花插在茶杯上，就好似一盆優雅的藝術品。
片片心意卡
就算有好多嘢想同父母講，但面對面總係講唔出口，有時反而寫張心意卡可以更有效。而呢張木板心意卡混搭乾花的設計，簡約又唔老土，放係廳做擺設都幾靚架！
▲ 首先畫一個花樽形，同剪出印花圖案。
▲ 之後塗上特質的透明膠，並照燈數十秒。透明膠乾後就會變成半立體的花樽。
▲ 之後用雙面貼貼滿不同顏色的繍球。
▲ 最後寫上心意字句就完成，非常簡單。
拼花首飾盒
拼貼藝術都興咗好幾年，整得出色可以將一件件的家品變成高雅的藝術品。如果係今次工作坊學識咗，再將唔同的家品轉上新 look ，媽媽應該會好高興啊！
▲ 做拼貼的材料好簡單，就係唔同的家品及拼貼專用膠水，而最重要的就是各式各樣的印花紙巾。一般來說，大花的圖案會更易處理。
▲ 首先要諗好花要貼的位置，然後剪出圖案。
▲ 剪出的圖案只會要最面有顏色的部份。
▲ 最後將紙巾放到盒上，由內而外輕輕掃上膠水，要輕力同掃混每一個表面，唔係就會有皺紋或者泡泡了。
▲ 如果係木盒，乾咗之後就完成，但如果係杯碟，最好再塗上一層防水的膠，令佢更耐用。
免費換領小清新花束
母親節度度都送康乃馨，已經濫到不能再濫，而今次商場所送的手挽花令鮮花升格成藝術品，踢走浮誇老土。不過免費換好嘢當然有條件，就係要係廣場以電子貨幣消費滿 $2,000先換到，而且每日名額150束，先到先得。睇嚟都係去花店買比較實際。
花藝手作坊
活動日期： 4月30日、5月1日、5月7日及5月8日
時間： 下午2 時至 3時及3時30分 – 4時30分 (每日2節，每節名額10個，先
地點： 新城市廣場1期1樓 (近A-1Bakery)
參加方詳情 : http://www.newtownplaza.com.hk/ (新城巿廣場官網)
分享到 :
最新影片
