萬眾期待的電影《美國隊長3: 英雄內戰》下星期就上映，到底美國隊長係咪會似漫畫一樣戰死仲未知數。不過英雄迷一定唔可以錯過呢個以電影為設計主題的 Hot Toys 期間限定店。除咗電影潮流精品外，最吸精的當然係紅、藍兩大超級英雄陣營的雕塑級 1:1 比例人偶。今日我依莉詩就率先去睇有咩賣啦！
原大雕塑級人偶超逼真！
雖然今次的活動以買精品為主，不過當中 4個 1:1 原大雕像級人偶已經夠晒吸精。當中由美國隊長率領的 7尺巨型 Giant-Man 雕像係以雕刻工藝及塗裝技巧製作，頭盔塗裝上的電鍍銀色，配合精心製作出今集以紅、黑及灰為主調的全新戰服造型，全身多個不同位置內置 LED 亮燈功能，準確重現電影中的戰鬥形象。而由鐵甲奇俠 MARK XLVI 所率領的戰鬥機器原大雕像，其裝甲的流線及纖薄程度拿捏得精良準確，塗裝師利用多層塗裝技巧於每幅裝甲上精細塗上仿金屬質感的深灰及銀色，當中更細仔印上機體編碼和圖案細節，除了保持著鐵甲奇俠裝甲一貫於眼睛及胸口反應器的LED發光裝置，Hot Toys更於戰鬥機器標誌性的防暴棒加添上發光系統，足本呈現出其威嚴氣勢及勇武形象。
▲ 4個高逾2米高的原大雕像立體呈現出電影的緊張情節，讓英雄內戰的激烈戰況加倍升溫！
▲ Giant-Man 雕像的頭盔塗裝上的電鍍銀色更內置 LED 亮燈功能，準確重現電影中的戰鬥形象。
▲ 鐵甲奇俠 MARK XLVI 的裝甲流線及纖薄程度拿捏得精良準確，塗裝師利用多層塗裝技巧於每幅裝甲上精細塗上仿金屬質感的深灰及銀色，當中更細仔印上機體編碼和圖案細節。
▲ 限定店的牆身貼上電影海報，色彩分明，十分有立體感。
COSBABY 精品超可愛 !
今次限定店的精品主要分兩大類，一類是 Hot Toys 出名的珍藏人偶，另一類是 Cosbaby Q版精品。當中包括「紅色陣營」的鐵甲奇俠 Mark XLVI 與黑豹(Black Panther)、黑寡婦、幻視、戰爭機器 及「藍色陣營」的美國隊長、寒冬戰士、鷹眼、飛隼、紅女巫 及 蟻俠 Q版人偶同匙扣等。造型可愛，相信迷到唔少女士同小朋友。
▲ 限定店擺放的基本上都係 Cosbaby Q版精品，價格亦非常親民。
▲ 1:6 珍藏人偶未必個個買得起，而 COSBABY 迷你珍藏人偶每套只係 $198，要儲齊所有各色不算太難吧！
▲ 呢對 Steve Rogers & Tony Stark 人偶的頭髮用絨毛造，摸落去毛茸茸，超得意！
▲ Cosbaby貼紙套裝 1套10款，每套 $38，貼滿個行李喼都唔過份吧！
▲ 各式各樣的 Cosbaby 造型匙扣每套都係 $78。
▲ 仲有 Cosbaby 襟章套裝 1套8款，每套 $238。
▲ 呢 D 香味牌只係一張硬卡紙，$28張好似有 D 貴。
會場限定版 1：6 比例珍藏人偶不能錯過！
每次 Hot Toys 推出珍藏人偶都會引起搶購潮，今次 Hot Toys 就特別推出兩款會場限定版 1：6比例珍藏人偶。當中《美國隊長3: 英雄內戰》美國隊長 (內戰别注版) 非會員更限量 300個，4月22日開始接受預訂先到先得啊！
▲《美國隊長3: 英雄內戰》美國隊長 (內戰别注版) 1：6比例珍藏人偶 4月21日開始接受預訂，每隻 $1,480。
▲《復仇者聯盟2：奧創紀元》紅女巫 (復聯别注版) 1：6比例珍藏人偶就 4月25日開始接受預訂，非會員限量500個，預訂價 $1,430，有興趣要留意日子啦！
依莉詩：「女仔都會鍾意的英雄精品」
講到 MARVEL 的限定店起初以為都係展覽下 D Hot Toys 的人偶，以為都係無乜嘢睇。點知原來仲有好多 Cosbaby Q版精品，非常可愛。相信女仔同小朋友都會鍾意。至於 1:1 的人偶亦非常逼真，唔講以為有 4個 cosplayer 係面前添啊！
Leave a Comment