繁忙兒童又多一樣「玩具」喇！教育局正在推廣 STEM 教育（科學、科技、工程及數學的縮寫），每間學校都有 10 萬元津貼，不少公司看中這個「市場」，推出多個與 STEM 教育有關的方案。2016 年好明顯就係 VR 紅起的一年，而 HKT education 緊貼市場，搶先推出 VR 虛擬實境 Package 俾香港及澳門的學校，讓中小學生有機會體驗入門級的 VR，激發潛能。
包手機、360 Camera 同 Google Cardboard
HKT education 推出的 VR 基本 Package 入面，包括 30 副 Google Cardboard、30 部 Asus ZenFone 2 Laser、1 部 Ricoh Theta S VR 相機及老師培訓課程等，其中電話、VR 相機係可以按學校需要而升級。其實 Google 即將在今年的第三或第四季推出供教學用途的 Google Expedition，老師可以控制學生的手機畫面，到時 Package 亦會有升級。
海量內容支援教學用 VR
只要裝左 Google Cardboard App，入面本身就有基本內容俾學生玩，除此之外，網上亦有好多內容俾老師同學生選擇及體驗，根據 HKT education 的說法，現時已經有多個科目的教材可以使用，例如地理科，同學可以戴住 VR 眼鏡去 Field Trip，睇到不同國家的地理；中史科，就可以用 VR 睇一啲古代建築；生物科仲有應用可以睇動物或人體體內的器官等等。記者會當日，小編就試玩左一個關於不同物種的生活環境的「遊戲」，操作簡單，低年級的同學都適合玩。
不過由於網上的內容的確又多又雜，UNWIRE 早前就有同事用黎睇過啲兒童不宜的內容，所以老師上堂前最好要篩選一下喇。
小學生都可以製作 VR 內容
小五專題研習都要拍廣告啦，唔爭在拍埋 VR！除了體驗 VR，HKT education 這個 Package 還容許學生自己製作內容，HKT education 提議學校帶同學出去 field trip 時候，例如參觀濕地公園、立法會、博物館的時候就可以拍片做 report、介紹等等，讓同學 做多一樣野 學習一下用高科技交功課。HKT education 更笑說，唔好講話去遊學、去旅行，曾經有天水圍的學生連中環都未出過，VR 就可以幫到佢地了解一個新地方。
老師都要上堂學用 VR 先
如果老師唔識用，又點樣係課堂應用到呢？現時普遍的學校都會有負責資訊科技的老師，HKT education 就表示 Package 內包括工作坊及培訓活動，會先同老師上堂，「軟硬兼施」，先讓老師學識，不過咁樣會唔會加重老師負擔呢？
小朋友 VR 做功課，家長點算 ?
1.屋企買 VR 貴唔貴 ?
其實最便宜的方案，是一台手機加一個純膠做的 VR 眼鏡，在淘寶幾百元有售。
2.教材 / 功課是 VR ，家長們如何指導 ?
其實 VR 是一個人的世界，小朋友帶著 VR 裝置就只有他能看到及感受得到。 如果是你是用 Andriod 手機，可以利用 Chromecast 或電視機的鏡像功能，把小朋友 VR 裝置中的手機鏡射到電視機中，這樣就可以透過電視知道你子女如何在 VR 世界中亙動，留意他們的眼光喜歡停留在那裡，你會看到更多小朋友的思維角度
3.VR 會傷小朋友眼睛／頭暈嗎 ?
越貴的 VR (e.g 六千多元的 HTC Vive) 越不容易引起不適，因為運算能力高可做到 90FPS 畫面極流暢，再加上追蹤人頭動向準確，感覺接近現實，頭不會太暈。可是手機因為運算力不足加上追蹤不準，視角經常跟動向不太同步，所以比較容易頭暈。這類裝置全部手機熒幕光線直射眼球，很快就會累。建議小朋友不適宜連續使用太多，大約十分鐘就是休息了
分享到 :
最新影片
