相信唔少 wire 民放假都會出去旅行，今時今日好多人更會選擇自由行，貪夠晒自由想去邊就去邊，但好多時去到既地方，如果唔識當地語言，而當地人又未必識英文既話真係幾煩。各位 Apple 用家就可以 Download 呢個即時翻譯 App 傍身，除左文字翻譯之外，仲可以讀埋出嚟，咁就唔怕「雞同鴨講」。
SpeakText Air 只要輸入內容及目標語言，就可即時進行翻譯，不過大家要留意所有文字翻譯同朗讀功能都要連線才可使用。如果大家去旅行未必會買上網卡或者驚無 WiFi 既話，其實可以預先將常用既內容先進行翻譯，去到當地就算上唔到網都可以用。另外，部份國家語言只有文字翻譯但不提供朗讀功能。
支援平台：iOS 8.0 或以上
SpeakText Air（下載）
▲App 左上方為輸入內容既語言，右上方則是翻譯目標既語言。
▲分別選擇輸入及翻譯目標既語言，當中大家常去既日本、韓國、泰國以至阿拉伯文都有。
▲於下方輸入要翻譯的內容，雖然未援香港中文，但經測試口語翻譯準確度不高，用返書面語會較準確。
▲按下傳送就會即時進行翻譯，不過要注意是翻譯需要連接網絡才能使用，按一下已翻譯內容就會自動讀出。
▲如果要支援離線朗讀功能，則可購買「昇級」內容。
應用名稱：SpeakText Air（下載）
支援平台：iOS 8.0 或以上