今時今日唔少人都越來越注意個人身體狀況，因此市面上便出現了各種大大小小與健康有關的智能周邊產品，而智能手錶及手帶亦是近年相當受歡迎的產品之一，就連 Apple 推出 Apple Watch 和 iOS 9.3 時，都特別提到監察健康的功能。Fitbit 作為擁有多年推出這類健康產品的品牌之一，今日正式發布旗下 2 款新產品，包括採用類似手錶設計的 Fitbit Blaze 與及細小輕巧手帶 Fitbit Alta。
戴上手唔覺得重
以往不少採用手錶設計的產品，最大缺點是體積較大而且重，對於不習慣戴錶的用家來說未必一時能習慣。Fitbit Blaze 的錶面不算太大，加上採用金屬框設計，可以更有效保護錶面之餘亦富時尚感，戴上手的感覺與一般手錶分別不大，完全不會覺得重。Fitbit Blaze 原裝都係配膠帶，但就未必所有人都接受到，始終會覺得錶襯返皮或鋼帶會更好，今次 Blaze 就提供左多款唔同的錶帶俾大家選購，包括纖維（$238）、真皮（$788）同不鏽鋼鏈（$1,028），而且更換過程都算方便，就算要日日唔同款襯衫都唔難。
▲預設配膠帶都叫容易戴，要襯衫出街或者返工就可以要另購皮帶或鋼帶。
▲背面為心跳感應器，基本試用過後覺得測心跳準確，可直接透過錶面或 App 查看。
叉電未夠方便
唔少智能手錶最令用家未夠滿意都可能係續航力，如果隔兩三日就要叉電真係唔多想用，Fitbit Blaze 就可以提供到約 5 日既續航力，都叫做合格，不過小編就認為今次 Blaze 個叉電方法唔係咁方便，因為每次充電，都需要將成個錶面拆下再放入專用既充電座，呢方面確實係唔夠 Apple Watch 方便。
▲叉電真係唔講得方便，要先將錶面拆下再放入專用叉電盒仔。
有來電通知但訊號只支援 SMS
Fitbit Blaze 同其他智能手錶一樣，都加入左唔少通知功能，除左一般健康資訊例如心跳、步數同記錄運動等之外，今次亦同樣有來電顯示、訊息同行事曆通知，等大家做緊運動或者開會時，唔洗拎電話都可知道來電者身份，不過較可惜是到今次這個版本，訊息通知仍只限於 SMS，未能進一步支援 WhatsApp、LINE 或者 Facebook Messenger 等現時較多人使用既 IM。
▲支援來電、行事曆同訊息提示功能，但可惜就只支援 SMS 訊息，現時實用性較低。
▲只要透過 Fitbit App 就可以查看即時或過往的健康資訊,亦可對 Blaze 進行設定。
Fitbit Blaze 建議售價：$1,598
同場加映輕巧手帶 Fitbit Alta
可能未必所有人都鐘意或者已經有較常配戴既手錶，對於呢類用家如果想監察自己的健康資訊，另一款 Fitbit Alta 可能會較適合，它採用現時另一種較常見既手帶設計，配以小熒幕同樣可以顯示各種健康資訊及來電通智等資訊。它與 Blaze 亦同樣可以隨意更換不同顏色或物料既錶帶，包括健身手帶（$238）、真皮（$478）同不鏽鋼手環（$798），而且它的裝拆比 Blaze 更方便。
▲與另一品牌健康手帶比較下並不算大，但已配備熒幕並可顯示各種資訊，唔洗入 App 都可以睇到。
▲Alta 的手帶裝拆同配戴都更方便。
Fitbit Alta 建議售價：$998
分享到 :
最新影片
