國際七人欖球賽係香港每年一度的盛事，除咗入場睇波 或者去酒吧睇直播之外，今年多左個新活動，就去利東街欖球嘉年華啦！唔單止有一大班人陪住你睇直播，現場仲有啤酒零食任你試添！今日我依莉詩就率先去視察環境啦！
直播七人欖球賽
係香港國際七人欖球賽賽事期間，利東街中間會有大電視現場直播。大家可以坐係綠色地毯上，邊飲啤酒，邊享受球賽氣氛。
▲大家可以係綠色地毯上觀看球賽，猶豫係草地之上。
試飲試食啤一啤
同時，利東街兩旁設立了不少攤檔，不但有免費的 Damm Lemon 西班牙啤酒任飲，仲有各類餐酒試飲。另外，仲有各種紐西蘭地道特產同本地小食俾大家送酒。
▲只要答中條問題就可以得到 Damm Lemon 啤酒一杯。一杯都幾大架，大約350ml左右啦，拎住可以慢慢飲。
▲唔飲得酒精的，可以試下無酒精的果酒。少少酒味同水蜜桃味，飲落似氣酒，相當特別。
▲飲酒當然要有花生，呢度就有唔同的果仁俾你試岩再買。
▲ 仲有唔同醬料的零食，左面個款好辣架！
▲ 估唔到連榴槤乾同鮮芒果都有。
▲想歐洲風味D，可以揀西班牙風乾牛薄片，鹹鹹地，好香牛味。
▲熱的有即炒串燒同羊架，試岩再買。
玩攤位贏迷你欖球
飲完食完，可以玩下攤位遊戲，學下點拋球。入晒 3球仲有個迷你欖球送添，小朋友玩最岩。
▲迷你欖球印左利東街 logo，細細個好得意架！
▲ 攤位與攤位之間有唔少影相位，雖然唔多靚，不過都可以影下。
依莉詩：「愈夜氣氛應該會愈好！」
坦白講，利東街重建之後唔再有懷舊的味道，反而變成外國人或高消費群流連的地方。不過今次呢個嘉年華唔洗點消費，又可以感受七人欖球賽的氣氛，比起去蘭桂芳相對親民呢！
利東街欖球嘉年華
日期：2016年 4月 7日 至 10日（中午 12時至 晚上 7時）
地點：灣仔利東街
Leave a Comment