相信各位 wire 民都應該同小編一樣成日用 WhatsApp，但除左加下表情符號之外，原來近期 WhatsApp 仲加入粗體、斜體同埋刪除字功能，不過呢啲特別字體就咁打係打唔到既，要先入個秘密 Code，而家就等小編教大家點玩喇。（Android 用戶要先升級至 2.12.535 或以上，而 iOS 用家就要升級至 2.12.17，先會用到同睇到。）
想打粗體字既話，就要先係內容前後加「*」
要打斜體就要係內容前後加「-」
至於刪除字就可以係內容前後加「~」
不過有一點要注意，就係呢個新字體玩法暫時只係可以對應到英文內容，各位打開中文既朋友，真係唔好意思，暫時仲未 Support，而且記得符號同內容之間唔可以有空隔架，如果唔係都一樣睇唔到。呀！仲有一點，就係各位習慣返工用網頁版既話，Sorry 都係睇唔到既。