Sony 新 4K 電影串流服務 Ultra：每部竟要 $30 美元？

Sony 全新 4K 視頻串流平台 Ultra 即將會係下個月亮相，除咗影片質素同數目之外，相信最多人關心嘅就係佢嘅價格。而 Sony 就係尋日星期二表示， Sony 將會就每部 4K 電影收費 $30 美元（約 $230 港元），呢個價錢已經可以係戲院睇兩套戲，價錢嚇壞咗唔少人。

Ultra 可以收看嘅電影亦相當新，包括有 Concussion ﹑ The Night Before 以及 The Walk 等（雖然都已經算係去年年尾嘅戲了）。 Ultra 即將係 4 月 4 日登陸 兼容 Android 系統嘅 Sony 4K 電視。 Sony 亦都正在計劃提供電視節目，不過暫時尚未有任何計劃消息同每部作品價格公佈。

顧客只需要係今個夏季購買 Sony 4K 電視，只要註冊好 Ultra 服務後就會有免費電影送返；而 UltraViolet 雲端服務嘅用户就能夠以優勢折扣去購買 4K 電影。

雖然 4K 電影串流仲係起步階段，不過 Sony 已經要面對對手 Netflix 挑戰，尤其係面臨著兩者價格嘅差異： Netflix 只需要將原本 Standard 計劃嘅每個月 $7.99 美元，加 $11.99 美元（即總共約 $155）就可以升級做 4K 任看。

來源： Buzzfeed