中小企好幫手幫你獨攬先機　創業創富更輕鬆

財政預算案提出咗大堆 IT 資助，對中小企最有用就肯定係「科技券先導計劃」，提供上限 20 萬元資助購買 IT 產品或服務。其實呢類政府資助一向唔少，生產力促進局的 SME One 最近就出咗新 App「中小企好幫手」，畀你一手掌握晒各種資助計劃同免費講座資料。

一 App 打通融資及營商經脈

財爺曾俊華今年宣布推出「科技券先導計劃」畀香港中小企申請，提供上限 20 萬元資助應用科技服務和方案，希望能夠提升香港中小企 IT 應用水平。其實呢類資助並唔係新事物，政府過去一直都有大大細細唔同類型嘅資助同配對 Funding 畀中小企申請，只係比較少人留意。

香港生產力促進局就開設咗 SME One「中小企一站通」，提供一站式全方位營商資訊，只要中小企去到位於九龍塘的生產力大樓，就可以了解依家有邊類支援中小企的工業支援計劃、融資方案、軟件應用及顧問服務。

不過咁，中小企老闆大都係「貴人事忙」，未必有時間親身去九龍塘了解，所以生產力局就配合繁忙嘅中小企老闆，推出咗名為「中小企好幫手」嘅智能手機 App，一次過就可以睇齊超過 30 項資助計劃同免費工商業講座及活動，仲可以睇晒不同領域專家對技術同企業管理的精闢意見，幫你打通融資及營商經脈。

以下簡單介紹「中小企好幫手」的部份主要功能：

功能一：中小企業配多 Fund

雖然未有得睇科技券計劃詳情，但打開「中小企好幫手」就可以睇到來自香港同內地 13 間資助及支援機構、6 大資助計劃類別、超過 30 項資助計劃。如果唔知自己應該申請邊個，App 仲可以幫你配對，只要答幾條簡單問題就會找出適合你業務需要的資助計劃。

功能二：一個月曆睇晒免費工商業講座及活動

做生意一定唔可以閉門造車，隨時要知道世界有乜變化，當你知道一啲競爭對手仲未知道的消息和大趨勢，預先準備好嘅你自然係贏家。打開「中小企好幫手」就可以查閱生產力局各種免費工商業講座及活動，同埋類型廣泛的專業培訓課程，最方便係可以即時用 App 登記參加，把握時機增進營商智慧，全面提升技術及管理能力。

功能三：不同領域專家教路

生產力局有跨價值鏈的多元化技術及管理專業顧問，利用「專家教路」這個功能，可以接收不同領域的專家，對技術同企業管理的精闢意見，讓中小企可以隨時隨地增值「升呢」！而且仲有各種申請政府資助計劃嘅實用貼士同疑難解答，從此搵 Funding 就唔駛四圍問、四圍撲啦。

手執一部智能手機，都好似置身 SME One 咁一手掌握最新市場資訊，而且仲係 24 × 7 全天候待命。中小企營商上有疑難、有需要或者想增值，「中小企好幫手」流動應用程式就係你嘅最好幫手。

詳情：按我