香港地寸金尺土，有個蚊型廚房已經好慶幸，仲點會諗蒸爐、焗爐、微波爐、麵包機…所以多功能的蒸焗爐亦出得愈來愈多。今次就介紹山崎最新推出的二合一蒸氣焗爐，睇下啱唔啱你。
7大功能於一身
呢部蒸氣焗爐一機擁有烤焗、蒸煮、烘焙、發烤、保溫、解凍 同 消毒 7大功能，可以蒸魚、烤雞，焗蛋糕等等。 蒸氣加烤爐功能達到 120度至 250度，可以保留食物的營養價值。而蒸氣模式亦達到 80度至 115度，能令食物均勻受熱，保持食物水份。另外， 40度發酵模式可以減少粉糰閒置於室溫而滋生細菌的風險。不過，呢部蒸氣焗爐整體上同之介紹的差唔多，而且 28公升 size 係市面上有唔少代替品，不過呢部定價比較低，所以都有佢的吸引力。
▲ 機身尺寸為 350高 x 505闊 x 415深，而且屬前置式排氣孔，可作檯式或嶔入式使用。
▲ 蒸氣焗爐的水箱有 1200mL，而且缺水時會發出提示聲並停止運作，唔洗成日睇住個火。
實戰蒸水蛋！
蒸水蛋係最普通的家常便飯，不過要蒸到一碟靚水蛋一 D 都唔易，太猛火會太老、蒸唔夠時間又會唔熟，所以係發佈會期間，主持示範如何用蒸氣焗爐蒸水蛋。
▲ 首先係打蛋。
▲ 之後倒入碟。
▲ 用蒸焗爐蒸 18分鐘。
▲最後就蒸出呢碟表面光滑冇倒汗水的蒸水蛋了。
查詢：二合一蒸氣焗爐 SK-SO35 (2401 2168)
售價：$4980
分享到 :
最新影片
