迷你兵團係上年暑假爆紅，消失一段一子之後，再次係全港 7大商場出現。今次唔止有得影相，仲有得玩遊戲贏獎品添！我依莉詩就去咗當中最大的馬鞍山新港城中心同佢地見面啦！
影相位紙版具多
同上一次的商場展比，今次可以要令 Minions Fans 失望啦！因為現場的影相位基本上只有一個，其他都係紙版公仔，如果去新港城中心應該有排排隊先影到了。
▲ 今次的主題係復活歷奇之旅，不過 Minions 的造型同平時差唔多，都係著工人褲。
▲ Stuart 拎住其他結他係大樹下唱歌。
▲ 三隻 Minions 似乎好開心咁波！
▲ 好彩，除咗紙版仲有 3隻立體的 Minions 係 7米x 7米深的「
大玩驚險遊戲
雖然影相位會有少少失望，不過今次就有幾個小遊戲補數，而最重要當然係禮物啦！「『迷你兵團』森林木槌大挑戰」遊
▲ 「『迷你兵團』森林木槌大挑戰」遊
▲ 『迷你兵團』
▲ 要係「『迷你兵團』彩虹天地大捕捉」中捕捉氣球唔太難，而且氣球色彩繽紛，入到去令人好興奮。
▲ 另外，仲可以到「迷你兵團」搗蛋復活自拍攝影區影張靚相上傳到新港城中心的 Facebook 專頁，不過就無得即時印相咁囉！
▲ 講到 D 遊戲咁難，不如講番點先有得玩同獎品係咩啦！只要以電子貨幣即日消費滿 $250或以上，即可獲得遊戲券一張，參加其中一項攤位遊戲。咁就有機會贏取限量『迷你兵團』禮品架啦！
「迷你兵團」復活獻禮
除咗玩遊戲，如果係新港城中心、屯門時代廣場、沙田中心、沙田廣場及粉嶺中心以電子貨幣消費滿指定金額都可以帶《迷你兵團》限定精品套裝番屋企。係 2016年3月19日起消費滿 $1000 可以換領「迷你兵團」咕o臣，而 2016年4月2日起消費滿 $500 就可以換領「「迷你兵團」DVD ，2016年4月9日起消費滿 $1000 就可以得到「迷你兵團」雨傘。
▲ 「迷你兵團」咕o臣超可愛呢！我都想要番個。
▲ 就嚟雨季，有呢把遮部住自己，心情都好 D 。
《迷你兵團》見面會
最興奮的環節當然係 Fans 見面會，主角加分(Kevin)、小小超(Stuart)及阿卜(Bob)將於指定日子現身各商場同粉絲見面，只要係指定換領日期於同一恒基兆業商場以電子貨幣消費滿 $200或以上，就有機會換領該商場舉辦之「迷你兵團搗蛋見面會合照證」一張，同佢地大拍甜蜜合照。
依莉詩點評
今次有成 7個商場咁多，本來以為會正過上次啦！不過見到大部份都係紙版公仔，有少少失望。真正的影相位得一個，如果平時應該有排排隊。幸好今次小遊戲的獎品都算吸引，會吸引都唔少粉絲去玩啊！
必影指數 ★☆☆☆☆
必玩指數 ★★★☆☆
迷你兵團復活歷奇之旅
日期：2016年 3月19日至 2016年 4月12日
地點：新港城中心L2天幕廣場、屯門時代廣場、沙田中心、沙田廣場、粉嶺中心、粉嶺花都廣場及粉嶺牽晴間購物廣場
相關影片:
分享到 :
最新影片
