人見人愛的 POMPOMPURIN (布甸狗) 上年勇奪《2015 Sanrio Character Ranking》冠軍寶座。係今個復活節佢去咗 The ONE 同粉絲見面。我依莉詩當然第一時間去到現場啦，仲比我發現到佢紅足 20年的秘密添！
任影中庭布甸工房
既然係商場展，一定唔少得影相位，UG2中庭就置有多個搞鬼拍照位置，6款全新萌爆的布
▲ 中間的麵包造型布甸工房正將從糖漿收集器收集到的美味糖漿收集起來，嘗試把布甸狗在睡夢中的夢想世界呈現在大家眼前。
▲ 旁邊的「布甸狗博士」亮起頭上燈泡，睇嚟又諗到鬼主意製作優質布甸。
▲ 「為食布甸
▲ 右手面的輸送帶正從糖漿收集器的美味糖漿。
▲ 一個個布甸係輸送帶上面震籐籐。
▲「懶瞓布甸狗」躺係輸送帶上午睡偷緊懶。
▲ 高大威猛的「布甸狗守衛」則負責看守工場，氣勢非凡，不過我好似發現到 D 嘢！
▲ 原來布甸狗個 Pat Pat 有真‧菊花，wow～
布甸圈圈樂園率先玩
除咗影相位，麵包造型布甸工房會係星期六及日變身「布甸圈圈樂園」，只要消費滿 HK$100 (以單一消費單據計算)及「讚好」The ONE Facebook 專頁就可以玩小遊戲。如果可以將小型呼拉圈成功套上布甸裝飾，就可以贏取限定版POMPOMPURIN 精美文件夾一個，好易中架咋！
▲ 我玩就覺得一 D 都唔難啦！
▲ 另外，只要以電子貨幣消費滿 $1200 (最多 2 張不同商戶的即日機印單據，每張金額必須滿 HK$100 或以上)，或 The ONE Card 會員以 8000分，就可以免費換領限量版 POMPOMPURIN 20 週年夢幻咖啡杯(3 月 24 日至換完即止) 或 甜美化妝袋 (4 月 15 日至換完即止)。
限定店掃布甸狗精品
玩樂狂歡後，大家可以到 L2 參觀以布甸主題造型的限定店，掃多款布甸狗精品，保證粉絲們滿載而歸。
▲ 限定店有好多布甸狗包圍住你呢！
▲ 買完嘢記得去店旁特設奇幻美夢拍照區，同布甸狗齊齊坐上火箭登陸布甸太空，漫遊布甸星球啊！
▲ 布甸狗摺梳 $59.9
▲ 布甸狗環保袋 $49.9
▲ 布甸狗陶瓷杯 $119.9、保暖壺 (360ml) $149.9、(400ml) $119.9。
巨型布甸版生日蛋糕
走之前記得去埋露天廣場呀！呢度有POMPOMPURIN 20週年生日蛋糕，布甸狗站立於布甸蛋糕上，可愛指數爆燈，絕對是粉絲自拍影相必到的打卡位！
依莉詩點評
The ONE 的展覽向來唔算大，影相位數目同上次馬騮仔差唔多，地下露天廣場同樣得一隻，不過今次多咗小遊戲同限定店，相信粉絲們點會去潮聖啦！
必影指數 ★★★★☆
必買指數 ★★☆☆☆
The ONE‧POMPOMPURIN 20 週年夢工場
日期：2016 年 3 月 19 日至 5 月 8 日 (上午 10 時至晚上 10 時)
地點：The ONE UG2 中庭及露天廣場
分享到 :
最新影片
