之前已經同大家介紹過Letv 嘅 Le 1s ，但無理由買咗唔識用架嘛！所以籮文同 Onna 今集就會教你一啲實用小 Tips ，等你知清楚點樣先可以用盡部手機！最尾有片睇，有埋功能介紹添！
85 度廣角鏡頭 超多人一齊自拍無有怕
Le 1s 擁有比市面上電話較為廣闊嘅 85 度廣角前鏡，喺自拍嘅時候能夠輕易影更多風景同人物，因此一大班人自拍就唔使左攝右攝驚搵唔到自己個樣啦！而且仲有多種唔同嘅場景模式、全景拍攝等，機仔細細，其實好多功能，識用嘅其實好好用！
指紋解鎖一物兩用！
Le 1s 嘅指紋解鎖功能，速度比 iPhone 6s 仲要快，因此開 Mon 反應可以超級快。仲有，指紋解鎖感應位置更可以當作影相掣咁用，就是自拍都唔使怕手震，單手都好易用！
5.5 吋大 Mon 煲劇無問題
話晒都叫做有 5.5 吋 Mon，其實已經同部 Note 差唔多，不過手感好輕巧，感覺似係 4.7 吋咁上下，拎住嚟煲劇、睇英超都有高清享受，唔使怕要聞 Mon 先搵到個足球去到邊。
以性價比嚟講，$1,499 嘅 Le 1s 實在係無得輸。如果用嚟送俾 Daddy 媽咪煲劇就啱晒喇！
立即去片睇更詳細教學啦！
Le 1s 淨機價: $1,499
2016年3月17日中午12點於 lemall.com 再度開售
分享到 :
最新影片
