春天是花的季節，賞花野餐的同時，如果可以換埋一身花花 look 多好呢？充滿英式鄉村風味的 Cath Kidston 就令我依莉詩非常心動啦！今次我就從 Cath Kidston 2016 春夏系列中找了幾個心水同大家分享下，仲學識咗用紙整繡球花添！
帶來希望的繡球花
Hydrangeas 是婚宴中經常出現的花，不但浪漫，花語更是希望同幸福，而今季最特別的圖案就是這種帶來希望的繡球花。
▲ 皮革小手袋上印滿粉色繡球花，可愛又實用。
▲ 春天經常綿綿細雨，孭呢款滑面的手袋就唔怕入水了。
在野花間野餐
春天當然要去一邊賞花，一邊野餐。如果可以穿上印有鮮艷英國野花 Meadow Ditsy 的服飾，坐係花花野餐墊上，一定非常寫意。
▲ 帶著野餐籃去郊遊就更有感覺。
▲ 野餐籃內有齊基本的二人餐具，又靚又實用。
▲ 就算唔係野餐，用花花餐具享受下午茶亦是一大樂事。
▲ 帶埋一個耀眼的 Padstow Rose 印花袋就襯夠一套。
▲ 去野餐當然唔少得一對 Meadow Ditsy 的波鞋，支持少女們走過一片片的草原。
尋找櫻花的浪漫
櫻花係遠東地區的標誌花卉，今次印在英倫風格的袋上就更加有特色。
▲ 有櫻花的地方就有 Blossom Birds，烏兒係花枝間休息，輕鬆愉快。
後記－紙繡球 DIY
係記者會當中設有紙繡球 DIY 工作坊，我當然唔執輸，學下點整啦！
▲ 材料原來好簡單，只需 1條鐵絲，半個發泡膠波、2塊葉形的綠色紙、20塊花形粉色紙 同 20支大頭針。
▲ 之後將花形的紙摺好。
▲ 再穿葉形的綠色紙到發泡膠波底部 及 由發泡膠波頂部開始拮上花瓣，直到鋪滿發泡膠波。
▲ 最後用色紙包好，就成為花束了。
Leave a Comment