由 Mitchell Zuckoff 所寫《13 HOURS》同名小說嘅真人真事所改編而成嘅電影《13小時：班加西無名英雄》，即將係 2 月 18 日正式上映。《13 小時》由變形金剛系列的著名導演 Michael Bay 所執導，而演員班底卻大多都係未曾聽過嘅名字。雖則如此，呢個有趣嘅配搭加上真實戰爭故事卻成功獲得唔少好評。到底佢有咩咁吸引？
電影貼近原著 六位主角角色性格鮮明
電影改編自小說，而小說則是根據 2012 年美國駐利比亞班加西領事館襲擊事件所改編而成。故事講述 2012 年 9 月 11 日晚上，正值九一一襲擊事件十一週年紀念，一群伊斯蘭武裝分子攻擊利比亞班加西當地的美國領事館。佢地殺死咗四名美國人，其中仲包括咗美國大使 John Stevens 。使得由 Rone 領導嘅美國 GRS 六人秘密部隊保衛剩餘嘅美國人。
若然有睇小說的話，便會發現電影其實同原書嘅貼近度非常高，對於鍾意睇完電影會追睇小說，甚至已經睇過小說嘅嘅觀眾嚟講係一件好事。而且令人讚嘆嘅係六位主角，Jack ﹑ Tyrone ﹑ Kris ﹑ Dave ﹑ John 同埋 Mark ，係電影中六位性格仍然鮮明，每個演員嘅演出都相當出色，不得不令小編讚嘆佢不停強調「本片沒有大明星，而都是些普通演員」，此舉亦係非常精明，令選角上做得相當唔錯。
Michael Bay 特色依舊 運用鋪排卻大有進步
相信唔洗小編多講，大家都知 Michael Bay 係變形金剛系列中收到唔少負皮，甚至曾獲「最差導演」之名。就連小編都對嚟緊佢執導嘅變形金剛 5 都死心之際，佢今次交出《13 HOURS》的確成功令人改感。一啲常見嘅 Michael Bay 特色，如最後嘅日落畫面同大量慢動作爆炸場面，依然都出現係《13 HOURS》中，不過就係運用同鋪排上處理得更好。
總結： Michael Bay 洗脫「最差導演」之作
小編必須利申，雖則係電影迷但戰爭電影對於我而言吸引力並不大，就係因為過於陳腔濫調的英雄主義。而《13 小時》的確有令小編對此類題材電影改觀。尤其係害怕戰爭電影壓迫感過大而中間無「過場」輕鬆嘅部分。而《13 小時》係電影開首都以較輕鬆情節帶過，去到之後情節亦無拖拉直接進入襲擊事件，但就係一個幾鐘嘅戰鬥場面中間加入咗唔少輕鬆部分，甚至係一個短嘅笑位，令觀眾能夠得以喘息，係鋪排上加分不少。
分享到 :
最新影片
