SmarTone 宣佈其 shop.smartone.com 網上商店今日開幕，有齊多款熱門手機、歐美日韓原廠配件及網上優惠，100 位幸運兒更有特別獎賞！想知更多請閱讀以下文章。
▲暫代總裁鄒金根(中)、市務及銷售部主管林寶彤(左)及數碼及電子商貿總經理陳曄(右)慶祝 SmarTone 網上商店開幕
iPhone 都有份 買機優惠高達 1,600 蚊
SmarTone 宣佈其 shop.smartone.com 網上商店今日開幕，有齊多款熱門手機，當中多款手機都有機價優惠，iPhone 6S/6S Plus 原價減 HK$200。Nexus 5X 由原價 $3,898 減至 $2,798，即是接近 7 折的優惠。而 Sony Xperia Z5 Premium 由 $6,398 減至 $4,798，優惠高達 $1,600 蚊。優惠幅度都幾大，價錢直逼細鋪，而優惠期內，於網上商店購買手機，除了有機價優惠外，仲送 HK$200 手機配件優惠 及 一年爆芒換新服務，如果手機芒不幸意外爆了，用家可以到原廠維修，然後拿單據到 SmarTone 報銷，變相免費換新芒，睇落的確係好抵，尤其對於成日爆芒的大頭蝦。
▲iPhone 6S/6S Plus 全部原價減 HK$200
▲Sony Xperia Z5 Premium 由 $6,398 減至 $4,798，優惠高達 $1,600 蚊
配件及儲值咭都有優惠
除了有手機可供選購，還有手機配件及儲值咭，手機配件款式都算齊全，有耳機、叉電線材、外置尿袋等等。與 SmarTone 門市建議零售價相比，網上配件全線九折發售，而客戶訂閱網店快訊後，購買配件滿 $500，更可減 $100。另外 SmarTone 為慶祝開幕，由2016年2月18日至2016年2月23日，推廣期內每日 16:00 至下一日 15:59，第1位及之後第11位、第21位、第31位 … 如此類推至第191位在網上商店成功訂購貨品的客戶，均可獲高達 $1,000 蚊的訂單回贈，有關金額將回贈至得獎者的網上商店賬戶作為日後購物之用。
門市取貨或送貨
購物滿 HK$300 或以上 或淨購買任何儲值咭 / 增值券滿 HK$80 或以上 就可以享用免費送貨服務，但要留意免費送貨服務只限商業地址，不包括住宅地址、離島及偏遠地區。如果嫌麻煩，買家亦可以選擇可於門市提取貨品。
Leave a Comment