CASIO 的自拍神器除了最為人熟悉、有延伸框的 TR 系列，其實仲有定價較平的反 Mon 系列。不但有美肌功能，仲具備遠攝能力，今日我依莉詩就率先試用最新一代的 EX-ZR 3600，依家就睇睇有咩分別啦！
其實今次 EX-ZR3600 採用 1,210 萬像素、25mm 廣角鏡頭 同 1/1.7 吋 CMOS 感光元件，係規格配置方面同上一代 EX-ZR3500 沒太大分別。這個組合加上「5軸 HS 防震功能」，用係自拍上可以話卓卓有餘。至於顏色上，EX-ZR3600 推出了 3種新色，分別係珍珠白色、紫色 同 桃紅色。 桃紅色睇落有 D 似 EX-TR70 的顏色，非常搶眼，而紫色看上去亦非常高雅，可惜按鈕配襯的白色，令背面看起來有 D 似玩具相機，添了一點點膠味。
▲ 今次 3種色一睇就知係為唔同 style 的女性而設，桃紅色比較艷麗、紫色比較優雅、白色比較自然，總有一種色啱心水。
▲ 其實反 Mon 系列的自拍神器外型一向都似普通 DC，唔會話有太大驚喜。
▲ EX-ZR3600 (左) 無論外型同重量都同上一代 EX-ZR3500 (右) 差不多。
▲ 而我覺得佢比普通 DC 優勝的是，想轉 Mode 轉一轉就得，唔洗揀嚟揀去。
既然外觀同規格幾乎無分別，點解要出新機呢？原來 EX-ZR3600 加入咗之前只有 TR系列先有的「Selfie Art」功能，提供 5種自拍藝術風格，包括優雅、唯美、仙境、懷舊、艷麗，等大家可以即拍即上傳照片。另外更加入了之前 TR70 獨有的「粉紅嫩肌」美顏模式，等自拍時面部唔會一尾死白，拍出白裡透紅的粉嫩氣色。
▲ 美顏模式除了紅咗少少之外，其實同上一代分別不大，都係有 12 級美白或古銅膚色及平滑肌膚軸，而我覺得用 3級美白同 6級平滑肌膚，感覺就最自然。
▲ 「Selfie Art」功能同 TR 系列的分別不大，同樣提供 5種自拍藝術風格，包括優雅、唯美、仙境、懷舊、艷麗，等大家可以即拍即上傳照片。
廢棄樹脂回收再造 Casio 環保限量版 G-Shock 發表 Casio 經典跳字錶發表 50 年 推 Casiotron 限量版全球僅 4,000 枚 Casio 與韓國女團合作 推出 ITZY 特別版 G-Shock 系列
至於 EX-ZR3600 最大的進步相信是傳相的技術。記得小編我係之前的文章落了唔少筆墨，大大力踩落去，覺得 CASIO 唔使用 NFC 而係藍芽搞到連接非常複雜，而且每張相片都要等十幾秒的時間先過相到落手機。不過今次就進步了不少，自動傳相技術新增了自動人面偵測功能，可以自己揀反唔反 Mon 影的相，同埋 有無人的相，會直接傳送到手機。另外，仲可以逐張相揀過落手機，唔怕過咗 D 無用的相落手機。而新增的「即時分享 One Time Share」功能更可以拍攝後即時自製 QR code，方便朋友係自己手機睇同下載，唔洗 Send 嚟 Send 去。
▲自動傳相技術唔再好似以前咁，張張都會傳落手機，可以自己逐張揀。
▲ 自動人面偵測功能可以自己揀反唔反 Mon 影的相，同埋 有無人的相，會直接傳送到手機，唔怕做成大量垃圾相片。
▲ 另外，過相的速度亦比以前快了不少，幾秒就可以過到一張相。
▲ 而「即時分享 One Time Share」功能可以即時自製 QR code，方便朋友係自己手機睇番，唔洗 Send 嚟 Send 去。
今次的新色明顯為唔同的女性而設，我就比較鍾意紫色，看上去非常高雅，可惜按鈕配襯的白色，令背面看起來有 D 似玩具相機，添了一點點膠味。而軟件方面，「粉紅嫩肌」美顏模式，等自拍時面部唔會一尾死白，效果亦好自然。至於 EX-ZR3600 最大的進步相信是傳相的技術，可以逐張相揀過唔過，減少了大量垃圾相片的出現。明明同上一代規格差唔多，而且功能上都有改進，但價錢比上一代平咗 $200，再以 TR 系列的售價比較，其實 EX-ZR3600 都算吸引。不過都係同一個問題，沒有一般自拍相機的華麗外表，只靠新色系同美肌效果，到底能否吸引女士們的歡心呢？
售價：$3,280
查詢：捷成消費品 (2926 2300)
廢棄樹脂回收再造 Casio 環保限量版 G-Shock 發表 Casio 經典跳字錶發表 50 年 推 Casiotron 限量版全球僅 4,000 枚 Casio 與韓國女團合作 推出 ITZY 特別版 G-Shock 系列