新年當然要整靚 D 指甲去拜年啦！如果有留意 Unwire 的讀者可以會記得依莉詩上年介紹過一部高清數碼美甲彩繪機，45秒就可以印到想要的圖案係指甲。而最近 ArtPro Nail 推出一部新型號，聲稱 18秒內就可以印到更細緻圖案，仲有埋 Wi-Fi 過相功能添！於是我就衝上去體驗一下。
18秒印出更細緻甲花
今次呢部 ArtPro Nail Pro Wireless 唔單止出多咗香檳色，睇落更貴氣，仲加快咗印甲速度，放手指入去，唔洗 18秒就畫到一隻甲，我連相都未影到就印好。當然啦，本身已經好快，快多 30秒其實對整個美甲過程無大分別，不過印出嚟的圖案比舊機更細緻，我揀的招財貓圖案上的「招財」字樣都印得非常清楚呢！
▲ 彩繪機只係幫助美甲師減省畫花的步驟，所以修甲、整型同塗甲油等整個服務仍需要半個鐘到九個字。
▲ 美甲師一邊幫我修甲，我一邊揀圖案，有好多新年同情人節的圖案呢！
▲ 塗上專用的吸墨甲油之後，美甲師幫我貼上防指甲外圍沾上墨水的膠紙。
▲ 先固定一隻手指的位置，再在螢幕上調好圖款大小及對準指甲位置。
▲ 大約 18秒，打印花一隻指甲啦！
▲ D 圖案比舊型號細緻，連招財貓圖案上的「招財」字樣都印得非常清楚。
Wi-Fi 即過即印 DIY
雖然彩繪機本身已經內置了 500幾個圖款，而且每季 ArtPro Nail 的專業團隊都會配合當季各大品牌的潮流趨勢，設計最新的潮流圖案，不過新機更加設了Wi-Fi 過相功能，可以即時過相，同印係指甲上，比之前要用 USB 過相方便得多。
▲ 每季都有配合當季各大品牌設計的新甲款推出，依我所見，甲款確實比上次嚟的時候多呢！
▲ 同舊機一樣，可以用 USB 同 SD卡 過相，不過都係 Wi-Fi 方便 D ，唔洗用 Photoshop 執好個格式先過落部機。
▲ 新機同樣有 130萬象素鏡頭，可以即時影相，不過質素始終無用相機或手機拍攝，再傳送到彩繪機咁好。
依莉詩用後感：「圖案清晰咗，指甲幾細都一樣靚！」
今次係第二次試數碼美甲彩繪機，本來已經覺得彩繪過程好神奇，噴墨的時候完全沒有感覺，唔洗 1分鐘就印到靚靚圖案係指甲，依家改善埋個圖案質素就更好，以後指甲就算指甲好似我咁細都可以畫到花，印到相啦！
▲ 一對手，畫咗 4隻花都只係用咗半個鐘左右，比起人手畫，坐少幾個鐘架！
ArtproNail 美甲部
地址：尖沙咀赫德道2號 金麟商業中心 12 樓
服務時間：星期四至六 11:00am -8:00pm
相關影片﹕
