情人節唔一定要去高級餐廳先叫浪漫，如果另一半係個偽文青，或者可以考慮帶佢去呢間位於觀塘的特色小店，係法式古董家具的氛圍下食一些法國甜點，過一個漫活的情人節。今日就等我依莉詩帶大家感受這種溫暖而隨性的寧靜生活。
收入平民化的法式情懷
呢間小店其實係一個 1900’s法國農莊風格的古董店，店內放滿法國於一戰後的的家具及維也納的小家品，充滿古樸的味道，帶女朋友嚟到，佢自自然都會變成淑女。現場仲有法式古董婚紗和飾物可以租用，配合店內的環境就可以拍出法式浪漫的婚紗相。
▲「Parc」係法文公園的意思，而「古道具」就係日文古董。店主希望將身價不凡的「古董」平民化，所以想將小店變成一個屬於志同道的人的愜意公眾空間。
▲ 店內每一件物件都有著佢的故事。
▲ 不論娃娃定黑白家庭照，都會係影相的好道具。
▲ 法國的婚紗一向都係新娘子夢寐以求的婚紗，如果能夠穿上法國古董婚紗，應該好幸福。
尋覓古典心頭好
既然係古董店，店內的家具唔只用嚟影相，睇得啱可以買番屋企用。如果未揀情人節禮物，我就推介大家可以揀一 D 懷舊小物件，例如維也納的鏡盒或者巴黎著名的朱古力，既特別之餘，又顯出對方的高雅。
▲ 係法國 40-50’s 電影裡，只要有校園情節都會見到呢張雙人學生枱。因為當時未有電腦，所以枱面的洞係用來放 ink，而枱面亦係斜向自己，方便書寫。
▲ 如果到過一些法國小鎮的教堂，不難發現這些傳統的法國鄉村人家椅子，樸實詩意。
▲呢張圓形鋼琴凳可以轉上轉落，原來很久以前已經有這麼好的設計。
▲ 法國向來係時尚之都，就連昔日的袋亦一樣充滿潮味。
▲ 40’s 法國因為戰爭所以缺乏做玻璃的物料，所以 Fire-King 就以回收番嚟的牛奶樽製作成這些晶瑩剔透的餐具。
▲ 每隻杯碟看似相同，但顏色都各有深淺，而背面亦印有屬於不同生產年份的 logo ，可謂獨一無二，售價由 $200-500不等。
▲ 來自維也納的手製玫瑰刺繡粉盒 ($328)，雖然有幾十年歷史，不過仍然保存完好。
▲ 呢種五顏六色的馬賽皀 ($250) 不但顏色多，但有多種氣味，紅酒味、綿花味、餅乾味…最特別就係爸爸味，沖完唔知會唔會成身男人味？
▲ Le chocolat des Français 巴黎巧克力係純巴黎人手製造的巧克力，選用百份百純可可油，全無防腐劑或棕櫚油成份，成品更天然巧克力味道更濃厚，而且包裝由不同範疇的藝術家繪畫，每款巧克力也是一件藝術作品。除了單買，店主仲特別為情人節購入 5套「書本一樣的美麗・朱古力Art Gallery Box Set」($398)，相信你情人節禮物的好選擇。
▲ 呢種糖 ($8) 我地可能未見過，不過法國的小朋友就一定食過，一於買嚟食下好唔好食先！
▲ 印有不同圖案的合金搖搖 ($48) 好有懷舊感覺。
▲ Béret Hat 雖然睇落似畫家帽，不過係法國的時尚標誌。
洋菓子店拾回法式味道
係家具店角落的「古董洋菓子店」會定期供應不同的古法國甜品，當中的修女泡芙更係香港非常少見。能夠係法國古董包圍的環境下，兩個人歎番個法式下午茶，應該能滿足女神的口胃。
▲ Religieuse 修女泡芙 ($55) 源於 1850 年巴黎蒙馬特一家咖啡館的主廚，因為一大一小的泡芙加上泡芙中間的奶油就好似一位身型胖胖的修女，非常可愛。
▲ Gateau des Rois 國王蛋糕 ($55) 係法國人的新年的節慶甜點，餅內有一粒 feve 收藏係蛋糕內，分餅後，如果食到 feve 就可帶來好運。
▲ Viennese coffee 維也納咖啡 ($45) 有著三個不同的分層，冰涼的奶油、濃香的咖啡 及 甜蜜的糖漿，係唔需要攪拌的情況下，由上層飲到底，可以喝到多重滋味。
別館發現野餐樂趣
古道具公園主張把百年古道具融入現代生活，所以別館去除了舊物，但延伸了法式的文化。呢度擺放咗各種寄賣的手作物品，獨一無二，係情人節禮物的好選擇。而農歷新年及情人節期間，主打野餐用品的網店森野更會設置 POP-UP 主題區，將充滿法式古董風情的小店別館變身成法國農莊精緻前園，更售賣情人節野餐 set，為假日出遊提供更多有趣點子。
▲ 呢 set 2 人英倫風碎花布野餐籃 ($799) 有齊野餐基本用具，以後提一個籃就可以輕鬆去野餐了。
▲ 套裝內除了碎花冰袋外，仲有兩支酒、玻璃杯同小花束，充滿田園風味。
▲籃的上蓋有齊二人餐具。
▲ 係草地上兩人並肩而坐，一張竹製迷你野餐餐桌上放著餐酒套裝 ($399)，邊飲邊睇星星，過一個完美的晚上。
▲ 如果想為野餐加點點浪漫氣氛，可以帶埋呢盞太陽能燈 ($398)，比起蠟燭更輕更安全。
依莉詩後感
古董一向比人的感覺都好陌生好遙遠，但來到這裡就變得好浪漫，每件舊物背後都有他的故事。係呢個氣氛下嘆個下午茶，加上店內播的慢音樂，就好似係法國電影中的主角一樣。如果情人節帶心儀對象嚟一個咁與別不同的地方，佢一定對你另眼相看。
somewhere 森野 · 新春暨情人節 POP-UP 野餐主題店
日期：2 月 2-6 日、11-14 日及 16 日
時間：12:00 – 19:00(周二至周五)/ 12:00 – 18:00(周六至周日)
地點：Parc 古道具公園 (香港觀塘鴻圖道 60 號 10/FL -B2)
Leave a Comment