仲有幾日就新年，唔知大家買咗嘢送禮未呢？買金莎、籃罐曲奇太普通？送果王就夠晒睇面啦！今日我依莉詩就幫大家試過晒榴槤BB的產品啦，一打開包裝，D 香氣已經傳到成間公司，同事們聞都流晒口水。
明明貓山王榴槤唔似泰國榴可以催熟，往往都要當造有得食期，咁點解我話可以新年送禮呢？因為榴槤BB 係貓山王當造時落果，立即摘取果肉，並用 -70 度急速冷凍保存，之後由馬來西亞直送回港，所以就可以一年四季都食到。如果伯母係個榴槤控，你盒送一盒俾佢，一定好冧姐！
呢盒冰鮮貓山王榴槤果肉用嚟送禮就最好，可以原汁原味咁食到貓山王，又唔洗開榴槤咁麻煩。每盒都有400 克 貓山王果肉（連核），等於 1.6 公斤原果份量。果肉都係係馬來西亞高山老樹貓山王收果後，即時開殼，連核取肉，嚴格篩走過熟或不達標的果肉，並用 -70 度急速冷凍，再運到香港，保證新鮮。
售價：$350
冰鮮貓山王果肉食落同即開果肉無太大分別，只係係雪櫃拎出嚟的時候未聞到太香，但慢慢解凍之後就…面對樸鼻的榴槤味，未完全解凍晒都已經忍唔住要開動啦！奶白色的果肉食落幼細軟滑，非常Creamy，味道苦中帶甘甜，又有少少酒香，層次複雜，係口中久久不散。
香氣指數 ★★★★☆
美味指數 ★★★★☆
如果都係厭果肉要拎上手食太麻煩，可以試下呢支貓山王果肉雪條。Gelato 混合咗 D24 榴槤 同 一絲絲的貓山王果肉製作，由於空氣含量比雪糕底，密度比雪糕更濃厚。
售價：$350/8支、$50/1支
▲ D24 榴槤 同 一絲絲的貓山王果肉混和成雲石紋，睇到都流口水。
天氣雖然凍，但呢支雪條真係不得不試。雖然無冰鮮果肉咁香，不過打開包裝後，都有濃濃的香氣，而且雪條的果肉纖維亦相當多。一絲絲貓山王果肉甜中帶甘味，加埋 D24 的香滑，層次比果肉更複雜，更令人停唔到口。就算連平時唔食榴槤的同事都愛上呢！
香氣指數 ★★★☆☆
美味指數 ★★★★★
除了貓山王之外，D24 榴槤亦係榴槤控的摯愛。呢杯睇落似雪糕，其實係 加入咗D24 榴槤果肉、奶、糖及棕櫚油調配的榴槤蓉，非常幼滑，可以直接當飯後甜品，啱晒鍾意食榴槤又怕食到無儀態的女士。另外，榴槤蓉仲可以用作榴槤甜品的材料，例如製成榴槤千層班戟、免焗榴槤芝士蛋糕等，進入另一個層次。
售價：$50
▲ D24 榴槤蓉口感香滑，比起貓山王更香甜，女士們應該會好鍾意食。
D24 榴槤蓉比起貓山王更香甜可口，食落口感幼滑，帶濃郁奶油味，好似食緊雪糕咁，有種甜甜的幸福感！
香氣指數 ★★★☆☆
美味指數 ★★★★★
榴槤咖啡由 D24 榴槤果肉粉、咖啡粉、糖同奶組成，1 大包內含 6 小包獨立包裝，即沖即飲、方便快捷。
售價：$80
榴槤同咖啡兩種香味本身都非常濃郁，所以一撞埋未必人人受得起。一沖好，全公司的人就有兩個極端的反應，比起冰鮮果肉解凍後更誇張。不過飲落其實唔太大感覺，奶味比較重，飲唔到榴槤的味道，只係覺得甜味同普遍咖啡有少少分別。
香氣指數 ★★★★★
美味指數 ★★★☆☆