FB Game 重生 ? Gold Miner 掘金暗藏 6 個人生道理

掘金掘出六個人生小道理

話說小編呢排因為玩返呢 restaurant city 2016 就開始對 Facebook Game 充滿返熱情，無啦啦又比我搵到經典遊戲掘金－ Gold Miner。久別重逢，係呢段期間，我領悟到六個人生小道理，想同大家分享分享。

1. 做事打好根基！

   只要 level one 可以超過目標 $650，基本上 level two 同 three 都無咩問題。但如果 level one 只係僅僅夠 $650, 之後嘅關卡都會好吃力先可以追夠數。

2. 有錢洗得鬼推磨

   小編都好唔想灌輸呢個道理比大家，但呢個老細實在洗太過分。唔幫親佢就即刻黑面，幫親佢就9秒9變臉，「笑騎騎、放毒蛇」。雖然佢個樣真係好鬼討厭，但的確買咗佢嘅道具，過關都容易啲嘅。

3. 不要待薄你討厭的人 鼠

   雖然鼠輩橫行，係咁走嚟走去，阻_住曬，又得個 $2。但係呢班鼠輩，有一日可能會「升值」，由 $2 變成 $602，無佢你可能過唔到關添㗎。

4. 逆境、順境 笑著面對

   小編發現咗，啊 gold miner 無論掘到金或者係鼠甚至乜都掘唔到，佢都係仍然保持住笑容。唔知道呢個係bug定係遊戲設計師特登咁安排，係呢個咁攻利嘅（遊戲）世界，看風使舵嘅無良商人對比起嚟，gold miner 呢種咁積極且正面嘅人生態度真係好有啟發性。

5. 無嘢係永恆

   又話金好硬淨，又話鑽石係永恆，價值 $1 嘅炸藥一炸，咩都無曬…..

6. 終究不過一場空

   做咩咁認真姐…. 掘到啲金同鑽石又唔係真嘅。

題外話

認真覺得個遊戲要尊重返啲死者，我覺得應該要提升骨頭嘅價格囉。