幫阿銀還債！杏子帶你去食《銀魂》主題 cafe

2016-02-02

杏子平時喺日本好鍾意去 cafe，大大話話應該都有去過超過 100 間 cafe〜希望可以在這裏同大家分享一些日本特別的 cafe。

最近就去咗位於池袋以《銀魂》萬事屋為主題的 cafe。

店舗其實主要圍繞《銀魂》裏的「萬事屋」為主題。

呢間 Cafe & Bar 上年八月先開，店舖嘅裝修設定係江戶時代，即係同動畫故事背景一樣：話說因為阿銀佢地去將軍府玩的時候，打爛咗將軍府裏面的一個古董，因而要賠錢，所以開左呢一間 cafe 努力賺錢還債。所以我就黎幫襯下，順便幫佢地還債囉～

落單買精品埋單一部 iPad 搞掂晒

店內採用電子 menu，無論係食物定銀魂特別版的精品，全部都係用 iPad 落單。

飲品的名字好長好長，完仕符合晒《銀魂》Style，哈哈！左上：我一出世就係城市派；右下：要用鼻飲的總悟薑汁可樂

落完單就會叫你等一陣，就有得食喇～

埋單都係用 iPad 架！

充滿著《銀魂》風味既飲品，名為「愛的 Hunter」。

除咗野食的名有《銀魂》風味，賣相都充滿佢地的特色。

有點驚嚇的食物－新八獻出初吻的戀人！

雖然佢個樣奇奇怪怪但一啖咬落去又幾好食喎！藍色的 sauce 其實係醋，而那奇怪的生物就係炸餃子。

呢個應該係全餐廳比較正常的食物－神樂與新八的玉米片組合！

一路食野既時候店員會同你玩遊戲啦，又可以睇到特別既銀魂動畫。

轉轉轉～睇你抽中邊個角色～？

仲有銀魂的簽名板、特別產品等等可以參觀。

當然洗手間亦都唔放過〜有銀魂的其中一個角色伊利沙白提醒你一定要好好洗手！

不過，如果玩得太開心的話唔記得左 Last Order 時間就冇得落 Order 喇！

記住連銀魂的精品都設有 Last Order 時間喔。

臨走前仲可以去投票機投票。毎日有唔同既主題俾大家投票、投出大家心目中同主題相應的角色。

當日主題係：如果要選一個角色當一日記警察署長的話，你會揀邊個呢？

下次再同大家介紹特別的 cafe ^^

店名：カフェ＆バー CHARACRO（キャラクロ）feat. 銀魂（Cafe ＆ Bar CHARACRO feat. 銀魂）
地址：〒170-0013 東京都豊島區東池袋 1-32-4 藤原ビル B1F

關於 : 杏子@Mukoangie
日本藝人組合Mukoangie成員。漫才師。
也是日本遊牧女子一名。精通港日文化知識。
因工作需要遊走於港日兩地。現被委任為觀光大使。
並以發掘全世界最好味的薯片為人生目標。請多多指教！
www.facebook.com/mukoangie