情人節就到，唔好話單身的苦，就算有女朋友的都要煩有咩節目、送咩禮物。今日我依莉詩就介紹個唔洗一千蚊有得影靚相、有得食又有得 DIY 禮物的好地方俾大家，一次過滿足女神 3個願望。
幸福滿瀉 － 摩天輪 Tea set
之前介紹過的香薰店 DK Cuppa Tea 會係 2月11日至 4月30日推出的全新的 Tea Set －「春天樂章」。呢間的下午茶套餐向來都以「靚」為主，一個大大的摩天輪甜品架放滿永生花，前面放了多款充滿花香的鹹甜點，雖然份量唔多，價錢亦與酒店價格相若，二人套餐每位都要 $ 298，不過情人節酒店一般會加價，如果想帶女神食 D 特別嘢，俾佢可以影下相，放上 ig 、fb 威威的話，呢度會係唔錯的選擇。
▲ 冰凍的玫瑰花園特飲上面鋪滿七彩繽紛的食用花，微酸的梳打散發淡淡的玫瑰花香，而暖笠笠的有機香薰茶每日款式不同，今次我試的是朱古力薰衣草茶，有點點苦，應該是為了中和甜品的甜，不過我還是喜歡玫瑰特飲。
▲ 頭鋪是奶油及果醬的英式鬆餅及三文魚酥，非常鬆脆，唔會太乾。
▲ 接著是花盆造型的鹹點，巴馬火腿、山葵帶子、蝦沙津及呑拿魚沙津放係迷你雪糕筒上，加埋威化花裝飾，似藝術品多過食物。雖然係好靚，但唔好掛住影相，我影咗成個鐘之後，雪糕筒刃已經變得唔夠脆。
▲ 既然係情人節，甜品一定唔少得，當中的馬卡龍、曲奇同朱古力都是心形，夠貼題。馬卡龍的甜度適中，一口難忘，而曲奇上不但有日式壓花，而且充滿玫瑰花或薰衣草的香味，不過老闆娘話因為天氣太凍，所以花有 D 收失，未必可以做得太多。
▲ 雖然我今日食都好飽先去試食，不過一試呢件柚子芝士蛋糕就愛上，幾飽都食晒 (唔係好大件)，清新的柚子味甜甜酸酸，芝士亦好軟滑。
▲ 最近興韓
▲ 最後的是紫薯雪糕，紫薯控真係不得不試，雖然薯味唔算太重，亦無咁鮮色，不過係用真‧紫薯造，滑得嚟仲有粒粒紫薯，口感十足。
情深 DIY 禮物工作坊
食完下午茶就到送禮時間，DK Aromatherapy 的香薰治療師設計了 3個工作坊，等情侶們可以立即 DIY 禮物送俾女神，而且仲送埋心意卡俾係即時寫，唔洗諗，但又有心意。
▲ 由自己調製的香水，成份會令人散發魅力，而藍眼可以令你遠離嫉妒的眼光，所以藍眼護身符頸鏈就可以令女神變得更吸引自己，每位 $380。
▲ 永生花禮物盒 DIY 套裝有清新版(中間) $399 、心動版 (右) $599 同 貴氣版 $799 可以選擇，你可以自己調製魔法香薰油 “Fascination Blend” 同製作獨一無二的永生花盆景送俾摯愛。
▲ 只如覺得齋食有 D 悶，你可以加 $98(包兩件cupcakes)，係泡泡水漏漏完之前，用食用鮮花或法國威化花裝飾屬於自己的 Cupcake。
▲ 心意卡簡約而高雅，加上自己的心聲，對方一定會聽到。
拎住道具影相，融入香薰花園
樓梯旁的位置佈置成一個花園咁，情侶們係草綠色的毛毛地氈上盤腿而坐，大家可以攬住花花 Cushion ，輕鬆地享受茶點。架上仲有好多花環同花球俾你做道具，等你的女神散發仙氣。
▲ 架上有多款花環俾你幫女神戴上。
▲ 可以轉的摩天輪上放滿永生花，如果轉轉下見到一隻戒指都唔錯啊！
依莉詩點評
其實 DK Cuppa Tea 係上兩個月已經介紹過一次，不過佢次次的 Tea Set 都有特別主題，會吸引人一去再去。雖然唔少人試過都話佢得個靚字，味道麻麻，不過比起上一次試的「夢幻仙境之旅」下午茶，今次食物質素改善咗好多，就算我食到咁飽先去都仲會食晒。而價格方面係就係貴咗 D，不過情人節點都要花 D 錢，表現下自己誠意，呢度有得食，有得 DIY 禮物，環境仲咁靚啱晒打卡，夠留足大半日。如果想試的話，建議預早訂座，因為店內的座唔多，而且情人節正日雖然唔加價，不過規定咗一定要參加其中一個工作坊，所以打算去的男士們記得預埋個 budget 啦！
打卡指數 ★★★★★
美味指數 ★★★★☆
食店：DK Cuppa Tea (2386 3588)
地址：上環新街市街19號地舖
分享到 :
最新影片
