香港玩具展係一個俾廠商搵買家的地方，同我這個小記者好像一點關係都沒有。不過就因為一個小朋友學習套件的發報會，走進這個世界。
雖然係玩具展，但係禁止小朋友入場，所以見到的只有為賣買以來的成人，人流亦不算太多。而我所見除了傳統的玩具，亦有不是玩具加入了科技元素。
實體玩具結合 Apps
AR 技術都漸漸成熟，亦唔單止停留係手機鏡頭辨別到某物件時出現立體影像，亦出現了一些學習套件。小朋友在玩實體玩具的同時，只要配合相關的 Apps 就可以變出更多玩法。例如將七巧板加入過關元素，小朋友砌出 Apps 顯示的圖案就可以過關，挑戰更高的難度。除了 AR技術亦有辨別顏色的筆，只要將筆頭接觸到實物的顏色，Apps 亦會出現同樣顏色，小朋友就可以利用來畫畫。係人人都有一平板的年代，相信這些實體玩具結合 Apps 的玩具，將來會有好大的發展空間。
▲ 葡萄探索號 係利用鏡頭感應器辨別玩具的狀態，現時有 3 款實體玩具，包括七巧板、扭計骰同太鼓，而每個玩具都對應一隻自家開發 Apps。而展位職員表示將來會推出更多實體玩具以配合 Apps 使用，例如：編程、泥膠等等。
▲ Mozbii 萌奇筆的筆頭可以識別多種顏色，用作填色，玩遊戲等，展位職員亦表示將來會推出更利用呢支筆嚟玩的遊戲。
搖控玩具加入新元素
另一個重點就係搖控玩具，今屆唔少廠商都以航拍機為主打產品，大會更設立飛行示範區以便各單位流輪示範。雖然幾乎每三個就有兩個攤位係賣航拍機，不過機的種類同外型來來去去都係個幾款。幸好，當中仍有加入了新元素的廠商。當中將 VR 技術融入航拍機十分刺激，戴上眼罩就可以結合立體的實景，以第一身觀看空中飛行情況。另外，亦有利用腦電波控制的遊戲，玩家只要佩戴一個頭部連接器，再透過集中力、放鬆、眨眼就可以控制遊戲角色的活動。如果第日可以加入去搖控玩具上，應該會更加好玩。
▲ 驍騰係其中一個將 VR 技術融入航拍機的廠商，配合 VR 眼鏡就可以用第一身視角，感受飛行的樂趣。
倒模出來的平衝車
雖然香港係唔用得平衡車，不過展覽幾乎是為了中國廠商搵海外賣家而設，所以現場除了航拍機，見到最多的就是平衝車，一企下踏板，兩個輪就會自動向前郁，真係少 D 平衡力都唔得。賣平衡車的品牌雖然好多，顏色亦有不同的選擇，但看上去幾乎都是同一個模出來的。
▲ 我幾乎在每一個賣平衡車的攤位都見到這款有兩個類似熊圖案的小童平衡車，當我詢問其中一位攤位的職員，佢表示因為中國好多廠商會利用同一個模生產平衡車，再印上自己的品牌以作出口，所以會見到這現象，不過外表雖然一樣，但用料可以非常參差。
整個展場有好幾層，所以我都無行晒整個玩具展，不過我感受到的就是香港的玩具業發展幾乎都要依賴中國，縱然生產出來的未必有創意，但就算係由香港公司所設計，還是離不開 Made in China，就算係香港的公司也好，對我說的都只有普通話。係會展裡，我彷彿去了另一個世界。
Leave a Comment