Samsung 近日除了發佈 Galaxy A9 之外，還發佈了一部巨型 Tablet， Galaxy View 具備 18.4 吋 1080p 屏幕，內建 8 核處理器及 2GB RAM，而官方表示電池可以支援連續播片足足 8 小時！想知有幾特別就要繼續閱讀啦！
Galaxy View 內置雙向支撐架 (Two-way Stand)，讓用家可以有垂直和「平放」兩個放置方式，「平放」時就方便操作，上 Netflix 揀好片就可以垂直部機，當電視用，睇片非常爽！點解一直都要用括號括住「平放」呢？就因為 Galaxy View 係冇得真正地平放，因為設計所限，Galaxy View 「平放」時必須有輕微傾斜，某啲時候觸控螢屏較高位置時，Galaxy View 會像搖搖板一樣搖搖下。支撐架上有一個手挽位，方便用家攜帶，但又因為手挽位設計於搖搖板支撐架上，拎起 Galaxy View 時會有唔平衡情況，加上機身重達2.7kg，所以籮文都係建議用家唔好遠距離攜帶，否則手會好攰。
▲Galaxy View 內置雙向支撐架 (Two-way Stand)，讓用家可以有垂直和「平放」兩個放置方式，「平放」時就方便操作
▲上 Netflix 揀好片就可以垂直部機，當電視用，睇片非常爽！
▲因為手挽位設計於搖搖板支撐架上，拎起 Galaxy View 時會有唔平衡情況，所以籮文都係建議用家唔好遠距離攜帶，否則手會好攰
Galaxy View 採用 18.4 吋全高清 1920 x 1080 屏幕，咁大嘅屏幕用上1080p，其實像素密度只有大約 120 ppi，主流嘅流動裝置用家係唔難發現 Galaxy View 屏幕嘅顆粒感，但係屏幕勝在夠大，視覺效果更晒廣闊。此外，Galaxy View 雖然用上 Android 5.1.1 (Lollipop) 作業系統，但用家可於主頁選擇 Media Scroll 程式，就可以一覽幾個影片平台，如 Netflix、Viu、Mytv 等，對流動裝置唔熟悉嘅長輩都可以輕易操作。
▲咁大嘅屏幕用上1080p，其實像素密度只有大約 120 ppi，主流嘅流動裝置用家係唔難發現 Galaxy View 屏幕嘅顆粒感
▲但係屏幕勝在夠大，視覺效果更晒廣闊，睇片好爽，與用手機睇片不可以相提並論
Galaxy View 內置 Sidesync 功能，透過 WiFi Direct 技術，可以讓平板與手機無線連接，當中包括 Briefing Widget，即是可以在 Galaxy View 屏幕中控制手機的畫面，而 Call Forwarding 就是可以在平板上接聽手機的來電，亦可以用 File Transfer 功能，於手機與平板之間，透過 WiFi 互傳檔案。其實 Samsung 多數平板及手機都有此功能，但 Galaxy View 螢幕夠大，用起 Briefing Widget 就更方便，不會佔用太大的畫面。
▲Galaxy View 內置 Sidesync 功能，透過 WiFi Direct 技術，可以讓平板與手機無線連接，當中包括 Briefing Widget，即是可以在 Galaxy View 屏幕中控制手機的畫面
Galaxy View 有210萬像素前置鏡頭，支援 Video Call 視頻通訊程式，但係就冇後鏡頭，斷估都冇人會拎住部 18.4 吋嘅板影相啩。配備 1.6GHz 八核記憶體，內置記憶體 2GB，並支援高達 128GB MicroSD 記憶卡，但要留意 Galaxy View 只有 Wi-Fi 版本，沒有 3G / 4G 版本。比較有趣的是，雖然 Galaxy View 係一部平板，但 Samsung 準備好鍵盤及 Mouse 供大家選購，一經接駁就可以好似操控電腦咁玩 Galaxy View。但係要留意，View 係冇水平儀，想左擰右擰玩賽車 Game 就要用返手機啦！
▲雖然 Galaxy View 係一部平板，但 Samsung 準備好鍵盤及 Mouse 供大家選購，一經接駁就可以好似操控電腦咁玩 Galaxy View。
點解依部全新 Samsung Notebook 9 系列，當中包括 Notebook 9 13″、Notebook 9 15″，而最特別的就是 Notebook 9 Spin，依部 Notebook 點解叫 9 Spin 呢？係因為佢可以好似 Lenovo Yoga 咁，可以 360度摺疊。
籮文非常欣賞依個顏色配搭，啞黑色機身，配金屬邊框，包括 Touch Pad 及機身邊框都有金屬框包圍，有點綴作用，令整個外型低調得黎又高貴典雅，不過對於籮文依種有「對稱強逼症」嘅人，機面個 Samsung Logo 偏埋一邊，其實係有特色嘅，不過我唔喜歡囉。Notebook 9 Spin 叫得做 9 Spin，係因為佢可以360度摺疊，由 Notebook 變 Tablet 又得，仲可以有 Display Mode 同 Tent Mode。機側有流線形設計，都係一大點綴位，令成部機睇落更輕巧，而機身薄 14.9毫米，重量為1.35千克，就算籮文單手拎起當 Tablet 用都無問題。
▲Touch Pad 及機身邊框都有金屬框包圍，有點綴作用，令整個外型低調得黎又高貴典雅
▲機側有流線形設計，都係一大點綴位，令成部機睇落更輕巧。
▲不過對於籮文依種有「對稱強逼症」嘅人，機面個 Samsung Logo 偏埋一邊，其實係有特色嘅，不過我唔喜歡囉。但啞黑色就真係好型
▲Notebook 9 Spin 叫得做 9 Spin，係因為佢可以360度摺疊，由 Notebook 變 Tablet 又得，仲可以有 Display Mode 同 Tent Mode
▲左右側合共有3個 USB 位、一個 HDMI 位 及 MicroSD 插槽
Notebook 9 Spin 的13.3吋屏幕配有 QHD+ 解像度，即是逼近 4K 的 3200 x 1800，而屏幕色域覆蓋超過85% NTSC，顏色非常鮮明。到戶外使用時可以用戶外模式，極光屏幕功能可以提供高達 700nit 光度，即使在強光下影像內容都能夠清晰可見。而 Galaxy View 有自動調節屏幕光度技術（Assertive Display），由室內去到室外，或者由室外去返室內，光度都可以讓用家舒服閱讀。
▲極光屏幕功能可以提供高達 700nit 光度，即使在強光下影像內容都能夠清晰可見
Notebook 9 Spin 配備符合人體工學的曲面鍵盤按鍵，每個接鍵都係輕微向下彎，加上按鍵按程較長，反彈力適中，籮文試過打字果然係比其他 Notebook 更為舒適，而且鍵盤有背光設計，黑暗環境中都唔會咁易打錯字啦！而 Touch Pad 方面，材質揀選啱啱好，手指在 Touch Pad 上掃動都好順滑，但係打字時就有機會誤觸 Touch Pad，用家要善用 Touch Pad On/Off 功能。
▲Notebook 9 Spin 配備符合人體工學的曲面鍵盤按鍵，每個接鍵都係輕微向下彎
▲鍵盤有背光設計
Notebook 9 Spin 系列設有保安鏡頭（Security Cam），好似閉路電視咁，如果 Notebook 9 Spin 被竊取，鏡頭會向賊仔拍照，然後傳送返俾用家，但係對你搵返有冇幫助呢就好難講，至少可以放佢個樣上網叫人起佢底（哈哈哈）。此外，Notebook 9系列還備有圖案登入功能（Pattern Log-in），就好似手機嘅圖形解鎖，保安得黎又方便登入。而 Notebook 9 Spin 用上 Intel Core i7 6500U 及 8GB RAM，配置接近頂級，而機仔細細，儲存空間都有 256GB （M.2、SATA3），夠晒用啦！
Galaxy View 售價：港幣4,598元
Notebook 9 Spin 售價：港幣12,980元
查詢：3698 4698 (Samsung)