小米手環？唔係出咗好耐架啦咩？不過令籮文試嘅依隻亦唔係普通嘅小米手環，而係2015年尾至推出嘅小米手環「光感版」！光感版加入光電式心率感測器，功能比第一代只有計步器更加齊全，想知有幾好用就要繼續閱讀以下文章。
小米手環採用兩段式設計，分為手環主體及膠製手帶兩個部分，用家可以另購多幾條膠帶黎襯衫，雖然手帶略嫌膠感，但機體用了金屬材質，整條手環上一粒制都冇，整體都好簡約時尚，正所謂「簡簡單單，更易襯衫」呀嘛。光感版同普通版一樣沒有屏幕，但有三盞燈仔，更有科技感，唔會俾人以為只係一條裝飾用的手帶。而光感版同普通版同樣支持 IP67 防水，但由於加入光電式心率感測器，使用時間就由30日變為10日。
▲小米手環採用兩段式設計，分為手環主體及膠製手帶兩個部分
▲雖然手帶略嫌膠感，但機體用了金屬材質，手環上一粒制都冇，整體都好簡約時尚，正所謂「簡簡單單，更易襯衫」
▲光感版同普通版一樣沒有屏幕，有三盞燈仔
▲要用專用的叉電座
只要 Download 小米運動 App，以手機用藍芽連接手環，手環就會幫你記錄每天的日常活動，統計行走步數及換算熱量消耗，用家可以每天設定目標，例如每日步行八千步。如果要去跑步時就按下「去跑步」按鈕（廢話），只要同時開啓手機的 GPS 功能，App 就會計時，並實時話你知你嘅速度、步頻（每分鐘的步數），亦可以開啟地圖模式，跑咗幾遠都唔會迷路。
▲只要 Download 小米運動 App，以手機用藍芽連接手環，手環就會幫你記錄每天的日常活動，統計行走步數及換算熱量消耗，用家可以每天設定目標，例如每日步行八千步。
▲如果要去跑步時就按下「去跑步」按鈕（廢話），只要同時開啓手機的 GPS 功能，App 就會計時，並實時話你知你嘅速度、步頻（每分鐘的步數），亦可以開啟地圖模式，跑咗幾遠都唔會迷路。
去跑步嘅時候實時話你知你嘅速度、步頻嘅同時，光感版嘅即時心率偵測亦大派用場。大家都知進行有氧運動時，想消脂減肥或者提升心肺功能就要保持一個良好的心率，採用光電式心率傳感器的光感版手環就可以提醒你調整運動狀態，運動得更有效率。當然，唔係運動嘅時候都可以量度心率，記得要抬起手到心口高度，手環要避免喺正手腕骨位，咁先可以提高準確性。
▲採用光電式心率傳感器的光感版手環可以提醒你調整運動狀態
▲當然，唔係運動嘅時候都可以量度心率，記得要抬起手到心口高度，手環要避免喺正手腕骨位，咁先可以提高準確性。
當你嘅手環靜止一段時間，就會自動知道你訓咗教，仲會通過監測話你知你分別有幾多時間係深層或者淺層睡眠，訓得好唔好都有數據俾你睇到。打工仔個個都有一個困難，就係唔願起身返工，手環嘅智能鬧鐘功能就可以喺你需要起身嘅時間前30分鐘開始監測，盡量喺你淺層睡眠嘅時候先震醒你。起身返工當然難受，有邊個唔想訓到自然醒呢，但避免喺深層睡眠嘅時候整醒你，係可以令你全日精神爽利啲。
▲當你嘅手環靜止一段時間，就會自動知道你訓咗教
▲仲會通過監測話你知你分別有幾多時間係深層或者淺層睡眠，訓得好唔好都有數據俾你睇到。
▲手環嘅智能鬧鐘功能就可以喺你需要起身嘅時間前30分鐘開始監測，盡量喺你淺層睡眠嘅時候先震醒你
對於籮文依啲零運動嘅人，依條小米手環都唔係冇用架，只要經過設定，手機上有通知或來電時手環都可以有震動提醒。老老實實，$129蚊港幣買到一條運動手環，淨係用黎襯衫都抵啦。雖然籮文一向係零運動人士，但係戴起咗手環、睇到 App 上自己嘅運動量，的確有提醒自己注意健康嘅作用。好啦！但我做下手部運動先！（繼續趕稿）
售價：港幣＄129
查詢：3001-1888（小米）