話說呢 Gashion 唔經唔覺都做咗一年幾，其實皓藍一直都好想搞下新意思，嘗試突破下。所以就拍咗一連兩集嘅 Christmas Special 小小小電影 or 片仔比大家睇下。誠意都真係好十足㗎，好睇就當然想你支持下我，比個 like 我或者 comment 下啦，如果唔好睇…. 就唔好意思，浪費咗你兩分鐘，但你就當送個聖誕禮物比我，唔好話比我知，就咁走過就得㗎啦 (XD)。第一集就搵嚟 Natalie 同 Daniel 教下大家點樣係屋企利用科技製造一個浪漫聖誕大餐加驚喜啦！
unwire 又唔係咩較你咩烹飪飲食嘅媒體，皓藍緊係唔會教你點樣煮聖誕大餐。不過！我就可以講下點樣利用科技去令到你地嘅聖誕過得浪漫同有情調一點。聖誕節咁多人係街，餐廳嘅聖誕set又貴，不妨考慮下係屋企煮飯仔，或者係出面租時租嘅open kitchen，同你嘅伴侶一齊煮個飯仔啊。
-
利用 手機＋一杯水 製造浪漫情調
想係餐桌上加啲情調，當然可以點蠟燭啊，或者購買市面上嘅電子蠟燭去製造浪漫情調。不過如果想試下新嘢，善用身邊資源（或者係完全買唔切），其實可以就咁用一部電話，加一杯有顏色嘅水，就可以做到不一樣嘅燈光效果。首先，準備一杯有顏色嘅液體。（用有顏色飲品溝水又得，用顏料溝水又得～）然後，開啟電話嘅電筒功能。將杯放係手機（電筒照明方向）上面，就可以有以下呢個效果㗎啦。
2. 利用藍牙喇叭轉換氣氛
聖誕節有無準備禮物先？有你就好彩啦，因為皓藍幫你度咗條好橋點送禮物！（首先… 你要有…. ）藍牙喇叭有個特性就係可以遙距控制。事先係餐桌，或者食飯附近位置放好個藍牙喇叭（記得你個藍牙喇叭要on啊！）。跟住你就當然要離開果個位置遠啲啦。然後利用手機控制藍芽喇叭，係適當時機，按 “play”，再登場！登登登登！美妙的樂章，伴上載著你心意的聖誕禮物～ 好有氣氛喔！
無錯無錯，你宜家睇緊嘅係 Gashion，所以當然會教埋你點配搭啦～ 我地就一齊嚟睇下 video 入面 Natalie 同 Daniel 嘅造型啊！
For Girls － knit wear 就是實穿！
今年冬季興 knitwear，緊係開心啦！因為保暖啊嗎～ 今年聖誕唔算太凍（掛），所以可以穿上長身嘅 knitwear上衣加上短裙，做個簡單嘅 layering。
唔少的嘅當然要著有跟嘅鞋啦～ 入面可以襯一對中長嘅襪仔，roll 一 roll 佢做個層次感～
另外，都可以戴上帽子～上次gashion就講過畫家帽啦，但其實冷帽都不錯喔。加上可以呼應返 Natalie 整個造型添！
For Him －簡單、唔會錯的 sweater + shirt
呢個 look 真心無死，簡單俐落，我都唔洗多解釋。
雖然話簡單，不過今季都有 hit 嘅顏色可以留意下嘅，就係卡其色啦～ 無論男生好，女生好，駱駝色、卡其色、呢類型大地色系都好受歡迎喔。米色 Sweater 加上 白色襯衫，就係咁簡單。
Leave a Comment