香港只剩約 1600 個電話亭；而香港按人口計算的流動電話服務用戶滲透率有 229.1%，即係每人兩部左右；而根據非正式統計，的士司機按人頭計算的流動電話服務用戶滲透率有400%。從無電話，到有電話，到每人有部電話，當然要好好地對自己的電話，告訴所有人，這就是「我的電話」。今期 Gashion就請來 Winnie 教你點樣將手機「個人化」得美美der！

統 一 色 調

Winnie 手機的 wallpaper、lock screen 都是用差不多的色調，令到視覺效果上可以有貫徹的感覺。Winnie 就選擇了十分清爽的藍綠色，你又會想用哪一隻顏色做你手機的主調呢～ 當然如果你好似我，無 Winnie 咁好 taste，就可以 download 一些打包 Wallpaper App。

分 門 別 類

我喜歡藍色，Winnie 就喜歡藍綠色。人人的喜好不一，不過整整齊齊就點睇都好。Winnie 就鍾意將相同類型嘅 app 放係同一個版面，而我呢就鍾意放入 folder。經常使用嘅 app 就緊係放係主畫面附近嘅頁面，無咁常用嘅 app 就放後面。（好啦，我知你都知…. 嚟緊呢個你應該唔知啦掛！）

 

 

不過呢，原來我地最常用嘅 app 唔係放係同一個版面先係最好。有個不但神秘，而且十分好的位置，一直存在，就係尾二個行嘅最右手面個 app 位 （天啊，好刁鑽啊）。如果用開左手嘅朋友，就係尾二個行嘅最左手面個 app 位。看圖識字啦！因為呢個就係我地拇指姑娘最舒服～最鍾意嘅位置。（人嚟，同我記低佢！）

 

空 間 感

最後呢個貼士，Winnie 千叮萬囑大家啊，就係要空間感！唔好將所有 app 填滿個版面，比人透下氣啦好無。唔夠位咪，開多版囉～ （講開又講，其實可以開幾多版呢… 有無讀者試過瘋狂開版？）

 

w i n n i e ‘ s  f a s h i o n  p o i n t

唔只你個電話要「個人化」，你個人都要「個人化」。Winnie 近期愛上戴帽子，尤其係呢頂畫家帽，為佢整個人帶來亮點。其他人第一眼見到你，都會多過記憶點啦。（哦！你就係果個成日戴畫家帽個 Winnie！）

 

題 外 話 － 錄音裡看的影像會是怎麼樣

其實嚟嚟去去 gashion 都係個幾味。不過，每個人對自己部手機、耳機、相機、唔知咩機都有唔同見解、唔同用法。因為佢地每一部機都係好「個人化」，與別不同，呢個亦都係 gashion 做咗 63 期嘅原因。

 

 

錄音機，一個平平無奇嘅手機功能，Winnie 就為佢增添一個特別的意義。有日，Winnie 就覺得，不如試下認識一下身邊嘅陌生人、路人。所以，就展開咗一個瘋狂的錄音系列－與陌生人對話。

 

 

又有一日，Winnie 覺得，我好似做得唔係咁好，不如記低佢、講低佢，提醒返之後嘅 Winnie。又有一日，Winnie想唱歌，但其實佢平時唔係好鍾意唱，佢怕唔知自己幾時想唱，佢又決定要記低佢。

 

 

用相機記低一些時刻，相信好多人都會。不如嘗試一下，用語音記低，唔知個畫面又會變成點呢？