聖誕總會令人想起 bling bling 的燈飾， 就連手機都唔例外。被譽為港女手機品牌的 SUGAR 最近推出了第四代 bling bling 手機 SUGAR S，唔知又係咪你嘅心水聖誕禮物呢？就等我依莉詩同大家介紹下啦！
設計滴骰，薄如 iPod touch
當我拎上手的時候第一個印象就係佢機身非常薄，成部 iPod touch 咁。 因為 SUGAR S 機身只有 5.1mm ，重量亦只有98克，相當輕巧，手細的女仔都可以單手打字。不過機身縮細的代價就係連螢幕都相對縮細，由 SUGAR 2 採用的 5.2吋螢幕減至 4.8吋 720p螢幕，用嚟睇片可能唔多夠。幸好亦相對慳電，我用咗成日都仲有一半電。
▲ SUGAR S 非常滴骰，單手打字都無問題。
▲ 因為 SUGAR S (左) 採用 720p 螢幕，所以沒有像採用 5.2吋 FHD 螢幕的 SUGAR 2 (右) 那麼清晰，用嚟睇片可能唔多夠。
▲ 同時，因為 SUGAR S 採用 4.8吋螢幕，所以比起上一代細小、輕巧。
▲ SUGAR S 亦比上一代薄得多呢！
人工寶石點綴，不失高雅
SUGAR 系列手機最大的賣點一向都係機身鑲有 SWAROVSKI 人工寶石，而 SUGAR S 亦延續了這個特色，鑲有 16顆 SWAROVSKI 人工寶石。雖然寶石數量少咗好多，只有音量鍵、電源鍵等位置鑲嵌了寶石，明顯比起上幾代機身圍滿寶石的設計唔同，不過配合粉紅色一體成形的機身亦同樣高雅。
▲ 以往 SUGAR 系列的手機都會為圍滿寶石，雖然夠晒 bling bling，不過難免影響手感，而 SUGAR S 只有音量鍵以及開關鍵上鑲有寶石作點綴，觸感更好之餘顯得更突出。
▲ 因為 SUGAR S 一體成形，所以 nanosim卡槽設係機身右側，需要針先可以換卡。
▲ SUGAR S 的外形較方，機背平面，有 D 似 Sony xperia 系列手機。而呢部磨砂版機背中上位置有一個亮面圓形，中間印有 SUGAR 字樣，看上去以為係貼紙。
▲ 底部同頂部有兩點黑色。
▲ USB 同 3.5mm 插口都設係機底，未必可以插到靚靚防塵塞。
一鍵美肌再進化
既然係女仔專用的手機，美肌功能一定唔可以差，而 SUGAR S 同上一代一樣無需另外裝 App 就可以直接係相機一鍵美顏，係拍攝前後處理去眼袋、大眼、瘦臉、亮眼、滑膚、美白等，大大減少左修圖的時間。係同一環境下，以 SUGAR S 拍攝的相，膚色較紅潤，眼亦比較大，而以 SUGAR 2 拍攝的就比較自然。另外，更採用六幀合成與消除噪點影像技術，就算係昏暗的餐廳拍攝都可以穩定清晰，告別噪點和邊緣模糊。
▲ 以 SUGAR S 自拍的相。
▲ 以 SUGAR 2 自拍的相。
▲ 雖然 SUGAR S 前置鏡頭只有 500萬像素、而後置鏡頭亦只有 800萬像素，比起 SUGAR 2 低，不過係昏暗的餐廳拍攝都可以穩定清晰。
依莉詩：「薄到成部 iPod touch 咁！」
今次呢部 Sugar S 定價唔洗二千蚊，比較偏向入門級，所以規格同效能上都比不上上一代的 Sugar 2。不過機身咁輕，加上一體化設計同鑲有 SWAROVSKI 寶石作點綴，對於一些重視手機外表多過效能的女仔應該都會幾受落。臨近聖誕節，男士們不妨可以考慮下用`嚟做聖誕禮物啊！
查詢：SUGAR
售價：$1,998
分享到 :
最新影片
