今日依莉詩去海洋公園經過金鐘海富中心的麥當勞，本來諗住買個包上車食，點知 D 裝修唔同晒，唔單止可以自選沙律、漢堡配搭，仲有人送餐添 !
亮點一：改用自助點餐機
一入到去 McDonald’s Next，第一樣見到的並不是嗌緊歡迎光臨的收銀員，而係一排排的自動點餐機。雖然 Create Your Taste自選漢堡機幾個月前已經係又一城店出現咗，不過今次呢部仲可以點埋沙律架！係咪即刻高級咗呢？
▲兩排自助點餐機放係門口。
▲ 無論沙律定漢堡，每一項材料都可以自己揀。
▲ 揀完就可以用八達通或者信用卡俾錢啦！
▲ 有得揀當然要付出代價。一個 CYT Buger 套餐最少 $59，不過係金鐘嚟講都唔算太貴。
亮點二：新增 CYT 沙律
除了漢堡，呢度可以自選沙律配搭，當中有19款食材選擇，包括2款沙律菜底、2款芝士、3款醬汁及多款滋味配料，另外可加配香烤雞腿、碎蛋小龍蝦及藜麥 Cous Cous 等，健康多變。
▲ 平時 M記的廚房你都係見唔到，而呢度以簡潔、透明為設計主調，可以清晰看到整個食物製作過程。
▲ 沙律最低消費 $40，我就選擇咗加洲雜菜、香軟水牛芝士、香烤芝麻醬、鮮蕃茄片、麵包方脆、香甜粟米，再加 $8 現蘋果木燻脆煙肉粒，細食的女仔應該夠飽。
亮點三：無線充電服務
依家大家都手機不離身，萬一無電真係好徬徨，而呢間高級 M記就好貼心，超過四分一座位都設有無線、有線充電器，俾你邊食邊為手提裝置充電。
亮點四：史路比食品
除咗自選項目，平時 M記同 Mac Cafe 的餐單同樣有得賣，就連今期的 Snoopy 食品同飲品都有呢！
▲ Snoopy 朱古力心太軟好好味咁啊！
亮點五：換領自選 Tote Bag
由 12月9日至11日期間食 Create Your Taste 自選沙律或漢堡，再影張相放上 Facebook 就可以換到一個印有自己揀的材料圖案 tote bag 一個 (每日限量 300個) ，不過因為係度身訂造的關係，要等最少一個鐘先有，所以食之前記得去登記咗先呀！
食店：McDonald’s Next
地址：香港夏愨道18號海富中心地下1-41號舖A部份
分享到 :
最新影片
