話說日前特首梁振英（CY）出席經民聯晚宴時，上台與黃家強獻唱了 Beyond 兩首名曲《光輝歲月》與《喜歡你》，其後更將後者的合唱片段放上自己 Facebook 公諸於世。雖然事後大多網民都紛紛狂插黃家強，但事實上 CY 今次將片段放上網，或有可能會觸犯尚未通過的「網絡 23 條」版權修訂條例。
不過 CY 卻似乎驚都未驚過，因為事後特首辦回應指雖然今次將合唱片段上載至 Facebook 做法唔理想，但事後他們已經向香港作曲家及作詞家協會（CASH）申請相關牌照，並且亦繳交了音樂版權稅，而且對方亦已批准咗喎！先上載後申請，真係盡顯「霸氣」。與此同時知識產權署署長梁家麗日前亦曾經講過，由此 CY 是屬於公眾人物，所以即使網絡 23 條通過後，上載合唱片段亦可能屬「報道時事」的豁免範圍呢！
雖則今次 CY 已經補鑊向 CASH 申請牌照，但著名音樂人周博賢卻表示嚴格上 CY 這段片牽涉多種行為，所以除要向 CASH 拎牌照外，亦最少要向其他相關人士攞多 6 個牌照，政府最好要做足手續，並認為如果唔想煩，豁免 UGC 或 Fair Use 又是否會好啲呢？網絡 23 條仲未通過 CY 就已經賴晒嘢，而且問題一浪接一浪，就睇下特首辦今次會點樣拆解吧！
Leave a Comment