之前迪士尼宣佈的 iron man 園區仲未有住，不過以下介紹的「童話園林」，12月 17日之後就開放。我依莉詩今日就率先入去遊走灰姑娘、白雪公主等的私家花園啦！
1) 差Ｄ 跌死王子的長髮公主高塔
係園林入面，第一個場景主題係《魔髮奇緣》，紫色鮮花間聳立著一座高塔，上面的樂佩公主正將長髮從窗口放下，協助王子攀繩向上爬。
▲ 只要攪動旁邊故事書的曲軸，高塔的窗口會打開，費華特努力地沿樂佩公主的長髮嘗試爬上高塔，突然一聲慘叫！噢… (唔知點解我睇咗幾次都仲想笑)
▲ 如果想捕捉到呢個搞笑一幕，只要企入變色龍巴斯高相框入面就可以一次過影晒自己同高塔啦！
▲ 另一邊有一個播放著「I See the Light」的音樂盒，入面正上演著長髮公主同費華特坐在小船放天燈的浪漫情景。
▲ 同時呢一區有 6隻變色龍巴斯高躲藏係花草間，等你地發現佢地呢！
2) 沒有白雪公主的小矮人礦車
再走入一點，厚厚的蕨類植物同過百年的老樹會取代紫色的鮮花，小矮人就係礦山中努力工作。只要轉動機關，小矮人糊塗蛋就會坐著載滿寶石的礦車係木製車軌同木橋穿梭整座礦山。
▲ 同樣，只要走入以森林動物做主題的相框就可以完美捕捉故事場景啦！
▲ 另一邊廂，小矮人係一個音樂盒入面一邊哼著「Heigh-Ho」，一邊努力工作。
▲ 雖然呢度的主題係《雪姑七友》，但就唔見白雪公主啦！唔通佢食咗毒蘋果仲未醒？
3) 翩翩起舞的野獸與貝兒
係貝兒公主的玫瑰花園裡，有一座野獸城堡坐落係雪山上，野獸同貝兒係宴會廳中翩翩起舞。
▲ 野獸城堡坐落係雪山上，地勢險峻，難怪咁多怪事發生。
▲ 啟動山旁的故事書曲軸後，城堡會播放《Beauty and the Beast》的音樂，野獸同貝兒亦隨著音樂翩翩起舞。
▲ 記得要係茶煲太太的主題相框內與野獸城堡合照啊！
▲ 《美女與野獸》中城堡的所有人都變成會郁的家具，係「Be Our Guest」的音樂播放下，佢地都興奮地躍動。
▲ 茶煲太太正興高采烈準備一場華麗盛宴呢！
4) 好灰的灰姑娘城堡
《仙履奇緣》的園林前院園景設計成猶如城堡的外牆，天藍色的城堡坐落係高山上。時鐘一旦指向子夜 12點，仙女的魔法就會失效，仙杜瑞拉就會打回原形。
▲ 從老鼠傑克同葛斯為主題的相框望出去就係欣賞城堡的最佳角度。
▲ 係音樂盒入面，好灰的灰姑娘正等待仙女的出現。
▲ 仙女的魔法捧一揮，灰姑娘換上了華麗服裝，自信番晒嚟！
5) 有腳的小魚仙坐船仔
沿路到《小魚仙》園林的路上有著不同形狀的貝殼同海浪痕跡，而艾力王子的城堡就坐落係沙灘上。
▲ 城堡旁停泊著王子的船艦。
▲ 化身成一類的小魚仙原來同艾力王子坐著小船係洞穴情深對望。
▲ 一眾海洋生物係海底唱著歌慶祝佢地能開花結果。
▲ 走到海底王國，係 「Happy Ending」的音樂下一切都變得很美。
6) 放大再放大的巨型花園
除了迷你的城堡外，仙女小亭園就將植物放大。係巨型傘菌植物同三葉草道路遊走，自己就會好似變成小仙女一樣。
▲ 呢度每一棵植物的形狀都非常奇怪呢！
▲ 奇妙仙子仲係園中等緊你同佢合照添！
依莉詩點評
「童話園林」並唔係一個全新的園區，位於幻夢世界同反斗奇兵大本營之間，屬於幻夢世界的一部份，所以佔地唔算大。不過就麻雀雖小，入面放了 5
▲ 園出面放著 5粒PANDORA 珠珠，每一條裙都代表著一位公主。
▲ 姊妹們無番粒又點稱得上公主呢？(港女 mode)
分享到 :
最新影片
