之前一條 5隻比卡超迫爆入閘機的短片係網絡瘋傳，原來佢地千辛萬苦去咗 Mikiki ，準備送給香港人一個超萌的黃色聖誕！今日我依莉詩就去咗佢地嘅基地參觀啦！
場中間有兩棵 3米高的聖誕樹，上面掛滿的不是聖誕裝飾，而是印有比卡超模樣的掛飾，非常趣緻，一隻忠心的比卡超守護在聖誕樹底防止火箭兵團等惡勢力來搶精靈球，另一隻比卡超邊守護在樹前邊賣萌，等著和大家合照。
▲ 有眉的比卡超睇落好搞笑呢！
的的骰骰的比卡超模型車係唔少大人小朋友心目中的 Dream car，場內就停泊咗一架
▲ 車頭一大個比卡超樣，紅紅的胭脂加埋圓碌碌大眼，
▲ 車尾還伸出了閃電形尾巴，
比卡車後是一個小精靈對戰擂。比卡超邀請了小精靈朋友哈力馬龍、火狐狸和呱呱泡蛙坐陣，大家又會選擇以哪隻小精靈迎戰呢？
要數經典場景，當然不少得「火箭兵團」每次捕捉比卡超失敗後逃走用的喵喵怪熱氣球啦！巨型喵喵怪氣球下的吊籃刻著象徵「火箭兵團」的「R」字樣，完美重現經典場面。(呢個時候應該會有一隻果然翁出來吧！)
▲ 兩隻比卡超俾火箭兵團捉咗上熱氣球呀！快 D 通知小智去救佢地啦！
至於「小精靈中心」亦改裝成寵物小精靈期間限定店，裡面售賣各款寵物小精靈的得意精品。當中不少款式更是日本限量版紀念品，連比卡超都說不容錯過呢！
▲ 呢隻比卡超趴係度好嘆咁，摸佢個肚仲會面紅紅，大叫添！
▲ 比卡超遙控車做緊特價 $77.7 咋！
▲ 遙控車比起 Tomica車仔大成倍呢！
▲ 每架合金車仔 $28.7。
▲ 噴火龍剷泥車 $55.9。
▲ 比卡超對戰擂台 $263.2
▲ 呢隻有眼眉的比卡超咁熟口熟面嘅？
▲ 睇唔睇到入面有幾多隻小精靈呢？每隻 $26.3。
▲ 只要係 Pop-up Store 買滿 $100 就送一個精靈球。
▲ 另外，係商場兩間店舖以電子貨幣消費滿 $1000，可免費換領限量版「比卡超頸枕」一個，上面的比卡超瞓得好冧咁。
▲ 而消費滿 $1800，就可換領比卡超流動充電器一個，由比卡超為你發放源源不絕電力！
▲ 充電器背面圖有比卡超尾巴，超可愛呢！
相比起上年聖誕係 The One 的比卡超裝飾，今次 Mikiki 好似無咁多影相位，而且商場唔近港鐵站唔太就腳。不過隻有眉的比卡超真係好搞笑呢！至於精品方面，比卡超流動充電器既可愛又實用，我好鍾意呢！
聖誕氣氛 ★★★☆☆
必影指數 ★★★☆☆
日期：2015 年 12 月 5 日至 2016年 1 月 3日 (12nn – 9pm)
地點：新蒲崗太子道東638號 Mikiki 地下中庭
