MOOMIN CAFÉ 上年係尖沙咀開幕鬨動一時，話咁快就一周年啦！今日就去睇下佢有咩新搞作。
只限一天《週年紀念精美套餐》
12月 5日係 MOOMIN CAFÉ 開業一周年，為歡慶一歲生日，餐廳推出了只供應一日的《週年紀念精美套餐》，主菜分別係燒雞胸、牛油焗大蝦同牛小排，色香味俱全，而當中最特別的是一周年紀念蛋糕，小蛋糕上飄著一個綿花糖，非常可愛。另外，由12月5日起食滿 $300 會送一周年紀念襟章一個個，姆明粉絲不可錯過啊！
▲ 套餐包括：頭盤、餐湯、主菜(備有三款選擇)、甜品及餐飲，午餐由 $168-188，而晚餐由 $228-258，只供應一日咋！
▲ 雖然套餐中最沒有太多姆明元素，不過一周年紀念蛋糕就相當可愛，打卡一定要快啊！唔係綿花糖就會熔啦。
只限三天《聖誕特別大餐》
另一個限定套餐就是《聖誕特別大餐》，三個主菜分別是龍利柳、火燒、M5和牛西冷扒，每款都配有姆明形狀的蔬菜，充滿特色。而重點套餐的是聖誕版甜品，年輪蛋糕為聖誕添上陣陣暖意。食完甜品後，仲可以拎走姆明甜品瓷碟作為聖誕禮物，有得食有得拎！
▲ 套餐包括：頭盤、餐湯、主菜(備有三款選擇)、甜品及餐飲，售價為 $488，食完仲可以拎走埋剩甜品的姆明聖誕瓷碟添！
▲ 只要加 $50 就可以轉配聖誕版姆明牛奶咖啡，除了上面的特別版剪影外，飲完隻杯仲可以帶番屋企架！
聖誕甜品、飲品送姆明杯碟
如果唔想成個餐食咁大陣象，12月21日起亦可以點呢個由聖誕樹頭蛋糕再加焦糖蘋果忌廉班戟、水果及聖誕裝飾砌成的甜品拼盤，份量比跟餐甜品多，隻碟同樣可以拎走啊！另外，單叫聖誕版姆明牛奶咖啡同樣可以將姆明聖誕玻璃杯帶返屋企留念架！
▲ 散叫聖誕限定版甜品拼盤 $138 、聖誕版姆明牛奶咖啡 $88 做下午茶都唔錯架！
聖誕特別版姆明精品
相信去過 MOOMIN CAFÉ 的朋友都知餐廳旁邊有姆明家族的 pop-up store，12月初亦會推出一系列可愛的姆明精品迎聖誕，包括：手套、襪、圍巾、暖水壺、小毛毯、首飾碟等等，每款都好啱送給親友作為聖誕禮物。
▲《姆明馬卡龍香港限定版禮盒》 售價：HK$250
除了 MOKO 新世紀廣場，12月12日起推出呢度都有得賣姆明馬卡龍，印有姆明及其朋友的彩色圖案，精緻亮麗，令人捨不得放入口中。
印上可愛的姆明公仔圖案的比利時朱古力 12月15日起推出，雖然呢盒朱古力有 D 似 MOKO 新世紀廣場嗰盒，不過換咗個盒同中間粒朱古力之後令人更加想買呢！
▲ 另外仲有多款聖誕卡同明信片賣，係時候回味下以前寫聖誕卡的那份心情啦！
▲ 姆明 Hauskaa 毛絨襪 $135
▲迷你毛毯 $120
▲12月21日起更會推出《香港限定版聖誕福袋》，入面好似話係多款姆明精品啊！(不過我都唔知咩嚟)
依莉詩點評
坦白講 MOOMIN CAFÉ 開咗成年我都無去過，因為價格唔太親民，小編唔捨得食呢！不過聖誕節的話，有姆明陪你食飯，豪一次都唔怕吧！至於食物的味道方面，我只係試咗甜品同牛奶咖啡，所以好難評論，不過樹頭蛋糕再加上焦糖蘋果忌廉的班戟比我想像中好食，熱的時候樹頭蛋糕仲會流出朱古力架！
打卡指數 ★★★☆☆
美味指數 ★★★☆☆
食店：MOOMIN CAFÉ海港城．LCX (27300963)
地址：九龍尖沙咀海港城海運大廈三樓LCX 32號鋪
相關影片﹕
Leave a Comment