臨迎聖誕，各大品牌都做折扣優惠，唔多唔少都會約埋一幾個好姊妹去掃下貨。行到攰攰地會搵個地方食下下午茶，傾下心事。今日我依莉詩就帶到了位於上環的 DK Cuppa Tea 品嚐新推出的「夢幻仙境之旅」下午茶。
DK Cuppa Tea 本身係一間香薰店，所以一踏進去就會聞到淡淡花香，昏黃的燈光、木傢俱同花草裝飾令人有種心景平靜的感覺。
▲ 店舖位於上環地鐵站附近的一條小巷，靜中帶旺。如果揸車的朋友，店前就已經可以泊車，非常方便。
▲ 店內擺放著各式各樣的香薰產品。
▲ 穿過香薰店一直走到樓梯旁，就是 café，佈置得好有格調。姊妹們可以在地氈上盤腿而坐，輕鬆地享受茶點。
▲ 牆上的相片都是香薰同甜點，拍得好有小清新的氣息。
今次介紹的下午茶套餐以愛麗絲的夢幻仙境做主題，當中包括蝶豆花茶、松露磨菇芝士海鮮火鍋 同 多件茉莉甜品。份量雖然唔多，價錢亦與酒店價格相若，二人套餐每位都要 $ 298，不過食的除咗食物本身就是環境同意境。
▲ 如愛麗絲的仙境旅程一樣，一切由喝下魔幻之茶 Drink Me 開始，依莉詩的身體亦漸漸縮細。
▲ 魔幻之茶 Drink Me 其實係藍色而無味的蝶豆花茶，加入蘋果糖漿後就會漸漸變紫色，一層一層，非常夢幻。
▲ 然後店員就讓依莉詩抽出一張魔法咭，每張卡都會介紹不同種類的香薰精油及其療效，這些都是走出仙境的關鍵。
▲ 魔法咭相對的魔法咒語會放在 tea set 中，再由自己大聲讀出咒語，並把「符咒」燒在香濃誘人的松露磨菇芝士海鮮火鍋上，作為開展這場魔法美食之旅。至於火鍋配料有帶子、雞尾酒蝦、青口、煙三文魚及法國蝸牛，還備有低溫慢煮紫薯、馬鈴薯、巴馬火腿、莎樂美腸及車打芝士，份量幾乎都是每樣每人一件。
▲ 依莉詩抽到的 LUCK 代表平靜、幸運同存在。
▲ 「符咒」是用焦糖造成，注入後令火鍋味道更豐富。
▲ 至於甜品包括茉莉味蛋糕、紅心紙牌曲奇、白兔先生馬卡龍與及松露朱古力棒和玫瑰黑朱古力，每一物都非常精緻。
▲ 紅心紙牌同白兔先生都係仙境中不可缺少的角色。
▲ 紅白兩色的永生玟瑰襯托著玫瑰黑朱古力同馬卡龍，就如故事中的兩位皇后。
▲ 差不多都尾聲，吃下 Eat Me 甜點，依莉詩亦慢慢變番大了。
▲ 最後將整個旅程的感受記錄在蝴蝶卡上。
▲ 願望就可以同蝴蝶一齊脫變。
▲ 享受食物之餘，只要加 $100 可以自製魔法香薰按摩油走珠棒一支。另外，聖誕節即將來臨 DK Aromatherapy 亦推出節日限定香薰，由玉桂、香橙、松木造溫暖和愛的氛圍。
呢間 cafe 成日都有朋友打卡，見環境同食物都咁靚，我一直都好想試，只係份量又唔多，價錢方面又有 D 貴，所以一直唔捨得。不過今次試過之後我明白點解收呢個價，因為所食嘅唔只係食物，仲有環境同意境，係呢度心情可以真正得到放鬆，會係一個好好的體驗。如果想試的話，建議預早訂座，因為店內的座唔多。
打卡指數 ★★★★★
美味指數 ★★☆☆☆
食店：DK Cuppa Tea (2386 3588)
地址：上環新街市街19號地舖
