想當年依莉詩日日去 7- Eleven 食叮飯就係為咗換 Sanrio 公仔。今年又有新嘢換啦！第一輪將會推出蛋黃哥、My Melody、布甸狗等 12款圓碌碌顏色筆 ，唔單止外型超可愛，而且顏色筆仲會變色添！
▲ 第一輪換領由 12月2日至 1月19日，同以住一樣，買滿 20蚊送一個印花，30蚊兩個、40蚊 3個，如此類推。儲齊 18個印花或者 7個印花加 $20 就可以隨機抽一隻公仔。至於旋轉陳列架每個 $188。
▲12款入面，除咗必有的 Hello Kitty 同 My Melody 之外，仲有人氣急升的蛋黃哥同比較少有的 Hangyodon、THE Runabouts 等。
▲ 每一隻都圓碌碌，仲可以好似 Tsum Tsum 咁疊埋一埋添！
▲ 佢地唔單止外型超可愛，打開個頭仲係顏色筆添！
▲ 當中 Hello Kitty 同 Dear Daniel 仲係透明變色筆，只要遇上其他角色就會變出新色彩。
▲ 由 2016年 1月13日至 3月1 日就會加入第二輪動物毛毛公仔，一樣可愛呢！
▲ 除 24款普通版外，仲有小編最鍾意嘅聖誕特別版等 6款節日特別版毛毛公仔啦！睇嚟我又要同微波爐為伴了。
Leave a Comment