踏入冬天，今年忽冷忽熱嘅情況令小編非常煩惱，一時開住風扇都仲話熱，調轉頭就蓋少張被都凍病。但係長開住冷氣維持室溫實在唔係辦法（啲電費…），所以一部冷暖風機可以一年四季都合用，就啱晒小編需要。瑞士家電品牌 Stadler Form 最近推出全新冷暖風機 Paul ，小編當然唔放過親身試一試啦！
Touch Control 操作簡單 另有遙控器遠距控制
Paul 嘅操作其實好容易，係機頂就有 LED顯示同 Touch Control ，係無左實體鍵嘅回饋感，但就換來更方便直觀操作，其實方便過噤掣。而且機身後方放有遙控器，可操控 Paul 上嘅所有功能，啱晒啲鍾意坐係梳化煲劇又唔想起身搞部機嘅人可以遠距控制（利申：講緊自己）。
九十度搖擺送風 傾斜過熱自動停機
而 Paul 兩邊機身都設有「Swing」掣，亦即係可以以九十度擺動送風，咁熱力就可以平均分佈到屋內每個地方！而且佢仲加上傾斜同過熱自動停機安全裝置，就算屋企有老人家或者小朋友，都唔怕唔小心釀成意外嘛。
智能恆溫暖氣技術 自動維持室溫
而 Paul 最特別嘅就係佢係首部配備 Adaptive Heat 智能恆溫暖氣技術：係自動模式下，可以自動調節熱力，有效穩定室溫並廣泛分佈返熱力。其實小編幾欣賞呢項技術，佢可以根據返實際環境溫度去調節返適當風力，避免因環境溫度而令室溫快速下降之餘，又唔洗驚要係無咁凍時開開熄熄或者過度耗用好食電。而且小編發現操作真係相當寧靜，完全唔覺有嘈音，就算訓覺照開都無問題。不過小編問過，始終呢項技術以暖風為主，所以如果感測到室溫比較熱， Paul 亦都只會送少啲熱風甚至調至最低，並唔會自動調節為冷風，冷風就要用家手動調節；雖然並唔係大問題，不過如果能夠做到埋自動，一定會更好嘅。
Billy：「細細部啱晒我 定價略嫌貴咗啲」
作為首部配有 Adaptive Heat 嘅 Paul ，小編嘅第一印象就係「咁細部嘅」。但呢個細係好事，因為港人多數屋企唔大， Paul 嘅體積就好方便港人收納。而且智能恆溫暖氣係依家冬天就非常啱用，尤其天氣咁反覆，如果開開熄熄或者不停手動咁搞，不但麻煩又食電。而且佢仲係防水滴設計，有 IP 21 ，即使大頭蝦用家滴咗水落 Paul 上都唔怕整壞喎！不過小編留到最後先講當然有原因： IP 21 雖然防水滴，但小編就唔建議各位係浴室用，始終電器加潮濕，唔係一個好配搭。
細細部但好快可以將室內環境控制到適當室溫，加埋 Adaptive Heat 技術，令小編都好想帶 Paul 返屋企（小編：媽！快啲過黎睇吓阿 Paul 媽：阿 Paul ？你男朋友啊？），不過定價 $1980 雖然未至於好貴，但就一啲都唔平。如果屋企細而又需要暖風機，小編就覺得 Paul 係相當唔錯嘅，冬天吹暖風夏天當風扇，而且細細部唔會好阻位，屋企自然就可以擺多啲野啦！
建議零售價： $1,980 (百老匯獨家發售)
Leave a Comment